ठाणे जीवनदीप वार्ता

कल्याण : राज्यातील मंदिरे पुर्ववत खुली करण्याच्या मागणीसाठी भाजपतर्फे राज्यव्यापी घंटानाद आंदोलन करण्यात येत आहे. कल्याण डोंबिवलीतही ठिक ठिकाणी हे आंदोलन केलेले पहावयला मिळाले. डोंबिवलीमध्ये श्री गणेश मंदिर संस्थानांमध्ये सरचिटणीस आणि आमदार रविंद्र चव्हाण यांच्या नेतृत्वाखाली घंटानाद आंदोलन करण्यात आले . कोरोनाच्या पार्श्वभूमीवर बंद असणारी मंदिरे संपुर्ण देशभर खुली करण्यात येत आहेत . महाराष्ट्र सरकारकडेही सातत्याने मंदिरं खुली करण्याबाबत मागणी केली जात आहे . मात्र त्यावर कोणताही ठोस निर्णय घेण्यात न आल्याने निद्रिस्त सरकारला जागे करण्यासाठी भाजपतर्फे संपुर्ण महाराष्ट्रात घंटानाद आंदोलन करण्यात आल्याची माहीती भाजप प्रदेश सरचिटणीस आणि आमदार रविंद्र चव्हाण यांनी दिली  डोंबिवली प्रमाणे कल्याणातही आमदार गणपत गायकवाड यांच्या नेतृत्वाखाली कल्याण पुर्वेतील तिसाई देविच्या मंदिरात घंटानाद आंदोलन करण्यात आले. कुंभकर्णापेक्षाही गाढ़ झोपलेल्या ठाकरे सरकारला जागे करण्यासाठी हे आंदोलन करण्यात आल्याची माहीती आमदार गणपत गायकवाड यांनी दिली. तसेच कल्याण डोंबिवलीचे माजी उपमहापौर मोरेश्वर भोईर यांच्या ...

 टिटवाळा -  भाजपा कल्याण जिल्हा सचिव प्रदीप भोईर यांच्या आयोजना खाली  व माजी नगरसेवक सुरेश भोईर यांच्या मार्गदर्शनाखाली टिटवा़ला टिटवाळा हनुमान मंदिर जवळ मंदिरच्या दरवाजा जवळ मंदिरे सर्वांसाठी खुली करण्याबाबत घंटानाद आंदोलन करण्यात आले.  कोरोना आजारामुळे अनेक जण मृत्युमुखी पडले आहेत, शासनाचे सवैच मंदिरे बंद केली आहेत, जवळपास सहा महिने मंदिरे बंद आहेत, त्या मुळे त्याचावर अवलंबून असणाऱ्या नागरिकांचा रोजगार बुडाला आहे, शासनाने सवै मंदिरे सुरु करावी याकरिता भारतीय जनता पक्षाच्या वतीने संपूर्ण महाराष्ट्रात मंदिरांच्या दरवाजा समोर घंटानाद आंदोलन करण्याचे आदेश दिले होते, त्या प्रमाणे टिटवा़ला येथील पुरातन हनुमान मंदिर जवळ भाजपा जिल्हा सचिव प्रदीप भोईर यांच्या आयोजना खाली घंटानाद आंदोलन करण्यात आले, यावेळी माजी नगरसेवक सुरेश भोईर, प्रविण केडिया, तिवारी गुरुजी, संखे महाजन, अपैणा सकपाळ, वंदना विणकर, नितीन केणे आदी उपस्थित  होते. 

वासिंद - येथील सामाजिक, शैक्षणिक, सांस्कृतिक व आरोग्य क्षेत्रात सतत कार्यरत असलेल्या श्रीराम मित्रमंडळाचे संस्थापक अध्यक्ष, अनिल मानिवडे यांनी आपला वाढदिवस शुक्रवारी करोनाच्या पार्श्र्वभूमीवर साधेपणाने साजरा केला. वाढदिवसा निमित्त सामाजिक बांधिलकीची जाणीव ठेवून त्यांच्या तर्फे शहापूर तालुक्यातील, डॉक्टर, आरोग्य कर्मचारी व कोरोना योध्दा समाज सेवकांना १०० पीपीई किटचे वाटप करण्यात आले आहे.  शनिवारी  वासिंद प्राथमिक आरोग्य केंद्रात जाऊन त्यांनी तेथिल डॉक्टर, आशाताईं व कर्मचाऱ्यांना २५ पीपीई किटचे वाटप केले. तसेच आरोग्य केंद्र सॅनिटाइझ करण्यासाठी स्वयंचलित फवारणी पंप  देण्यात आले. शहापूर उपजिल्हा रुग्णालयात ५० पीपीई कीट देण्यात येणार असल्याचे मानिवडे यांनी सांगितले. वासिंद आरोग्य केंद्रात सर्व डॉक्टर, आशा वर्कर्स व कर्मचाऱ्यांनी मानिवडे यांना वाढदिवसाच्या शुभेच्छा देऊन आभार व्यक्त केले. यावेळी श्रीराम मित्र मंडळाचे कार्यकर्ते व पदाधिकारी उपस्थित होते. त्यांच्या या सेवाभावी उपक्रमाचे परिसरात कौतुक होत आहे.

किन्हवली- महाराष्ट्रातील मंदिरे व धार्मिक संस्थाने खुली करा या मागणीसाठी काल भाजपच्या किन्हवली विभागाने येथील हनुमान मंदिरासमोर घंटानाद आंदोलन केले.भिवंडी लोकसभा मतदार संघाचे खासदार कपिल पाटील  व भाजपचे ठाणे जिल्हा प्रमुख आमदार किसन कथोरे  यांच्या मार्गदर्शनाखाली शहापूर पंचायत समितीचे माजी उपसभापती व भाजपाचे गटनेते सुभाष हरड यांच्या नेतृत्वाखाली किन्हवली हनुमान मंदिरासमोर घंटानाद आंदोलन करण्यात आले. यावेळी भाजपचे जिल्हा उपाध्यक्ष सुरेश  विशे,भाजपचे जेष्ठ नेते गणपत शिद ,विभागप्रमुख अशोक गगे,किन्हवली गणाचे शक्तिकेंद्रप्रमुख नितिन ठाकरे,भावेश देशमुख आदी भाजपा कार्यकर्ते घंटानाद आंदोलनात सहभागी झाले होते. "दार उघड उद्धवा,दार उघड" अशा घोषणा देत कार्यकर्त्यांनी घंटानाद  आंदोलन केले आहे.

पडघा - भिंवडी तालुक्यातील गोदाम पट्टा म्हणून ओळखल्या जाणाऱ्या व पाच गावांमध्ये विस्तार असलेल्या कुकसे गृप ग्रामपंचायतीच्या सरपंच पदी पुजा पाटील यांची बिनविरोध निवड करण्यात आली. मावळत्या सरपंच अंजना भोईर यांनी आपसांत ठरल्याप्रमाणे  राजीनामा दिल्याने हे पद रिक्त होते त्यानुसार ग्रामपंचायत सदस्यांची विशेष सभा निवडणूक निर्णय अधिकारी सुधाकर सोनावणे यांच्या उपस्थितीत शुक्रवार दिंनाक २८ आँगस्ट रोजी ग्रामपंचायत कार्यालयात घेण्यात आली.   यावेळी शिवसेनेच्या पुजा रुपेश पाटील यांचा एकमेव अर्ज आल्याने त्यांची सरपंच पदावर बिनविरोध निवड करण्यात आली.तर यावेळी उपसरपंच आकाश चंद्रकांत पाटील,अनंता धर्मा पाटील,देवा ग्रुपचे अनंता पाटील,श्रीपत गुळवी,ज्ञानेश्वर पाटील,जीवन पाटील,गणेश राऊत,सोपान गुळवी,अंजना भोईर,दिगंबर भोईर,ग्रामसेवक भास्करराव घुडे, शिवसेना उपतालुका प्रमुख हनुमान पाटील यांनी त्यांना शुभेच्छा दिल्या.

पडघा - शुक्रवार दिनांक २८ ऑगस्ट २०२० रोजी रोजी  विक्रमगड ,खोस्ते गाव येथील युवा आदिवासी एकता मित्र मंडळ आणि गावकरी यांच्या प्रयत्नाने ९ ऑगस्ट जागतिक आदिवासी दिनाचे औचित साधून गावातील युवकांनी प्रगतिशील असा उपक्रम हाती घेऊन समाज हॉल मध्ये  बिरसा मुंडा  वाचनालयाची स्थापना केली.   समाजाची शैक्षणिक प्रगती व्हावी, समाज शैक्षणिक दृष्टया प्रगत व्हावा, तसेच युवकांनी स्पर्धा परीक्षा मध्ये यश मिळवावे, याकरिता वाचन हे एकमेव शस्त्र आहे. त्यामुळे युवकांनी सुरु केलेल्या वाचनालयासाठी  "आदिवासी फाऊंडेशन" संस्थेच्या वतिने विविध अभ्यासक्रमाची आणि माहितीपर पुस्तके आणि पुस्तके ठेवण्यासाठी मांडणी(रॅक) भेट स्वरूपात देऊन त्यांच्या या कार्याला शुभेच्छा देण्यात आल्या.  त्यावेळी संस्थेचे अध्यक्ष- भरत भोये, उपाध्यक्ष-प्रकाश पाटकर, सचिव-गुरुनाथ सहारे, जयेश गावित सर, महेश भोये सर, सुनिल काकड सर, भूषण महाले, अनिल दादोड तसेच फाऊंडेशन मित्र परिवार गुरुनाथ आघाणे, भागेश भुसारा, अजय सहारे, कृष्णा सहारे आणि ग्रामपंचयात हद्दीतील सामाजिक कार्यकर्ते भास्कर भोये, नितेश भोये(ग्रामपंचायत सदस्...

वाडा- नगर पंचायतीच्या वार्ड क्रमांक-५च्या भाजपाच्या नगरसेविका अंजनी पाटील यांनी स्वखर्चाने गणेश विसर्जन मार्गातील खड्डे भरले.   वाडा शहरातील राम मंदिर ते सिद्धेश्वरी विसर्जन घाटा पर्यंतच्या रस्त्यावर खड्डे पडून रस्त्याची दुरावस्था झाली होती. अनंत चतुर्थी अवघ्या दोन दिवसांवर आल्याने विसर्जनासाठी गणेश भक्तांना त्रास होवू नये याची खबरदारी घेवून पाटील यांनी स्वतः आज  रस्त्यावर उभे राहून खड्डे भरून घेतल्याने. विसर्जनासाठी जाणा-या गणेश भक्तांना  चांगला रस्ता तयार करण्यात आला.  

उल्हासनगर- प्रभाग समिती 3 मध्ये दीड वर्षांपूर्वी खाली करण्यात आलेल्या ओम शिवगंगा को.ऑप.हाऊसिंग सोसायटी या इमारतीच्या चौथ्या मजल्याचा स्लॅब ग्राऊंड फ्लोर वरील दुकानावर कोसळला आहे. ही इमारत कोसळण्याची शक्यता असल्याने इमारती समोरील व्हीनस ते लालचक्की चौक हा रहदारीचा रोड बंद करण्यात आला असून आजूबाजूचा परिसर देखील खाली करण्यात आला आहे. ही इमारत पाच मजल्याची असून दीड वर्षांपूर्वी या इमारतीच्या चौथ्या मजल्याचा स्लॅब तिसऱ्या मजल्यावर कोसळला होता.त्यामुळे इमारतीला अतिधोकादायक घोषित करून हि पालिका प्रशासनाने ३५ कुटुंबियांना आणि पाच दुकानांना खाली करून इमारतीला सिल केले होते. आज या इमारतीच्या चौथ्या मजल्याचा स्लॅब हा ग्राऊंड फ्लोर वरील दुकानावर  कोसळला. ही माहिती समजताच सहाय्यक आयुक्त गणेश शिंपी, अग्निशामक दलाचे मुख्य अधिकारी बाळू नेटके,विठ्ठलवाडी पोलीस ठाण्याचे पोलीस उप निरीक्षक हर्षल राजपूत, अजित साळुंके, स्थानिक नगरसेवक अरुण आशान, शेखर यादव, मिताली चानपूर,युवासेनेचे सोनू चानपूर यांनी  घटनास्थळी धाव घेऊन पाहणी केली.अग्निशामकच्या जवानांनी ५० फूट परिसरातील इमारती आणि घरे खाली केली.त्यानं...

बदलापूर  - कुळगाव-बदलापूर व अंबरनाथ नगरपालिका तसेच उल्हासनगर,ठाणे , कल्याण-डोंबिवली,मिराभाईंदर या महापालिकांना पाणी पुरवठा करणारे बारवी धरण पूर्ण क्षमतेने भरलेले असून पाणी स्वयंचलित दरवजातून वाहू लागल्याने स्थानिक आमदार श्री.किसन कथोरे साहेब,मुख्य अभियंता,अधिक्षक अभियंता, कार्यकारी अभियंता , सहा अभियंता म.औ.वि.म.यांच्या उपस्थितीमध्ये जलपूजन करण्यात आले.

मुरबाड - कोरोना महामारी संकटात सगळीकडे लाँकडाऊन परिस्थिती निर्माण झाली होती. त्या परिस्थितीत शाळा, काँलेज,सह उद्योग, धंदे,कारखाने , कार्यालये,ते मंदिरे, देवस्थाने ही बंद ठेवण्यात आली होती. परंतु सध्यस्थितीत  कोरोनाचा प्रादुर्भाव कमी  होत आहे.उद्योग धंद्यांसाठी माणसे हळूहळू हिम्मत करून घराबाहेर पडु लागली आहेत. अशातच सर्वत्र  मंदिरे देवस्थाने बंद आहेत. मंदिरे ही  माणसाला माणसिक आधार  देत असतात  त्यामुळे  ती तात्काळ खुली करावीत यासाठी आज भाजपा च्या वतीने महाराष्ट्र सरकारच्या विरोधात मंदिरांसमोर घंटानाद आंदोलने करण्यात आली.  त्याच पार्श्वभूमीवर मुरबाड शहरासह संपूर्ण मुरबाड तालुक्यातील  मंदीरे सुरु करा या मागणीसाठी अनेक धार्मिक संस्था व देवस्थानांच्या वतीने  आणि भाजपा महाराष्ट्र प्रदेश उपाध्यक्ष व खासदार कपिल पाटील  व भाजपा ठाणे ग्रामीण जिल्हाध्यक्ष व आमदार किसनजी कथोरे यांच्या सूचनेनुसार मुरबाड शहरातील हनुमान मंदिर, राममंदिर, शंकर मंदिर, जैन मंदिर, जोगेश्वरी मंदिर इ. ठिकाणी  घंटानाद आंदोलन करून या आंदोलनाला पाठिंबा देऊन मंदिरे सुर...

अघई - कोविड-१९ मध्ये वारकरी व कीर्तनकार असलेले व मुन्सिपल बँकेचे संचालक आपत्तीमध्ये अघई विभागातिल गाव पाड्या वर आर्सेनिक अल्बम गोळ्या त्याच बरोबर गरीब गरजूना अन्न धान्य यांचे वाटप करत महामारीचे भीषण सकंट असताना स्वताच्या जीवाची पर्वा न करता नागरीकांच्या सुरक्षित ते साठी अविरत कार्यरत राहिले.  अत्यावश्यक सेवेतील कामगारांना कामावार जाण्यासाठी अडचनी  येत होत्या प्रत्येक वेळी कामगारा -कर्मचारी यांच्या पाठीशी राहून त्यांना आधार देण्याचे काम भानुदास भोईर करत होते.प्रत्येक वेळी वेळ प्रसंगी स्वता रस्त्यावर उतरून परिस्थितीशी दोन हात करत होते. महामारीच्या काळात परप्रांतीय मंजूर मुंबई नाशिक महामार्गावरून गावाकडे जाण्यासाठी पायी प्रवास करत होते. त्या वेळी त्यांना बिस्किट, अन्न, पाणी यांचे वाटप करत होते.स्वताची पर्वा न करता सामाजिक भान जपत त्यांनी केलेल्या महामारीच्या काळात केलेल्या कार्याची समर्पण चॉरीटेबल ट्रस्ट कडून दखल घेवुन कोविड-१९ योद्धा सन्मान पत्र देवुन सन्मानित करण्यात आले.

उल्हासनगर- अपहरणकर्त्यांनी ५० लाख रुपयांच्या खंडणीसाठी अपहरण केले.५०लाखावरून १० रुपयापर्यंत मागणी करण्यात आली.मात्र पोलीस आपल्या मागावर असल्याचे समजताच अपहरण करणाऱ्यांनी व्यापाऱ्याला सोडून पळ काढला.पण हिल लाईन पोलिसांनी त्यांचा छडा लावून चौकडीला बेड्या ठोकल्या.उल्हासनगर कॅम्प नंबर ५ मध्ये राहणारे जीन्स व्यापारी हे २१ तारखेला भाटीया चौकातून रिक्षाने  दुकानात जाण्यास निघाले होते.मात्र रिक्षा ही दुकानाच्या दिशेऐवजी वेगळ्याच दिशेने जात असल्याचे बघून सनीने आरडाओरडा केली.पण जोरात पडणाऱ्या पावसाच्या आवाजाने सनीचा आवाज नागरिकांना पर्यंत पोहचू शकला नाही. अपहरणकर्त्यांनी सनीला नकली रिव्हॉल्व्हरचा धाक दाखवून बेदम मारहाण करत रायता नदीच्या दिशेने नेले.सनीच्या मोबाईल वरून अपहरणकर्त्यांनी ५० लाखाच्या खंडणीसाठी सनीच्या घरच्यांना रुपये नाही दिल्यास मुलाचा खून करू अशी धमकी घरच्यांना दिली. सनीच्या वडिलांनी हिललाईन पोलीस ठाणे गाठून संबंधित प्रकार पोलिसांना सांगितला.पोलिसांनी तात्काळ सायबर सेलच्या मदतीने लोकेशन काढून दोन टीम रवाना केल्या. काहीं तास आरोपींनी सनीचा मोबाईल बंद केला आणि तोंडात कापडाचा गोळा...

ठाणे - एकीकडे कोरोना महामारीमुळे केंद्र सरकार ऑनलाईन आणि व्हीडीओ कॉन्फरन्सींगद्वारे आपले कामकाज चालवला जात आहे. मात्र  देशभरात जेईई- नीटची परीक्षा घेऊन सुमारे २५ लाख विद्यार्थ्यांच्या जिविताला धोका निर्माण केला जात असल्याचा आरोप करीत गृहनिर्माण मंत्री जितेंद्र आव्हाड यांच्या आदेशानुसार राष्ट्रवादीचे शहराध्यक्ष आनंद परांजपे यांच्या मार्गदर्शनाखाली राष्ट्रवादी विद्यार्थी काँग्रेसच्या वतीने केंद्र सरकारच्या विरोधात आंदोलन करण्यात आले. सद्यस्थितीत सूरू असलेल्या कोरोना च्या भयंकर परिस्थितीमध्ये केंद्रातील भा.ज.पा.सरकारने जेईई- नीट च्या परिक्षा घेण्याच्या निर्णयामुळे देशभरातील पालक – विद्यार्थ्यांमध्ये यामुळे सुरक्षिततेच्या दृष्टीकोनातून एक मोठी समस्या निर्माण झाली आहे. यावेळी मोदी सरकारच्या विरोधात घोषणाबाजी करण्यात आली. जेईई-नीटच्या परिक्षांबाबत सुप्रीम कोर्टाने केद्र सरकार आणि त्या त्या राज्यातील सरकार यांनी एकत्रित बैठका घेउन निर्णय घ्यावा असे निर्देश दिले, पंरतु राज्यातील सरकारला विश्वासात न घेता केंद्र सरकारने विद्यार्थ्यांना कोरोनाच्या घशात ढकलण्याचा प्रयत्न सुरु केला आहे. ही अरेर...

  शहापुर-   राज्यातील  देवस्थाने आणि धार्मिक संस्थाने खुली करण्यासाठी शहापूरात भाजपा शहरच्या वतीने शनिवारी  सकाळी घंटानाद आंदोलन करण्यात आले. राज्यातील  मंदिरे उघडण्यासाठी सरकारचे लक्ष वेधण्यासाठी शहापुरात भाजपा शहापुर शहरच्या वतीने शहापुरातील  लक्ष्मीनारायण मंदिरा समोर घंटानाद आंदोलन करण्यात आले.   आंदोलना दरम्यान भाजपाच्या कार्यकर्त्यांनी घोषणा दिल्या. ह्यावेळी  भाजपा शहापुर शहर अध्यक्ष विवेक नार्वेकर, तालुका अध्यक्ष भास्कर जाधव, जेष्ठ नेते अशोक इरनक, काशिनाथ भाकरे, शहापुर शहर प्रभारी प्रशांत फुले, अल्पसंख्याक आघाडी शहापुर तालुका अध्यक्ष साजिद शेख,शहापुर शहर युवा अध्यक्ष आकाश अधिकारी,  आदी भाजपा पदाधिकारी व कार्यकर्ते उपस्थित होते.

शहापुर : तालुक्यात आणि धरण क्षेत्रात मुसळधार पाऊस पडत आहे. परिणामी धरणांसह नदी नाले दुथडी भरून वाहू लागले आहेत. तर नदी काठच्या नागरिकांनी दक्षता घेण्याचेही संबधीत विभागाकडून आवाहन करण्यात आले आहे. शहापूर तालुक्यात मागील वर्षी २९६३ मिलिमीटर  इतका एकुण पाऊस पडला होता. तर यंदा तालुक्यात पावसाने जून महिन्यात  दमदार सुरुवात केली. त्याअनुषंगाने  भात पीक लावणी हंगामाला चांगलाच वेग आल्याचे चित्र असतांनाच गेले काही दिवस पाऊस गायब झाल्याने शेतकरी हवालदिल झाले होते.तर मुबंईला पाणी पुरवठा करणाऱ्या धरणांच्या पाणी साठ्यावरही परिणाम झाल्याचे दिसून येत होता. त्यातच ऑगस्ट महिन्यांत पावसाने दमदार हजेरी लावल्याने शेतकऱ्यांनीही समाधान व्यक्त केले आहे. तर गेले कित्येक दिवस तालुक्यात व धरण क्षेत्रात मुसळधार पाऊस पडत असल्याने तालुक्यातील धरणांसह नदी नाले दुथडी भरून वाहू लागले आहेत. तर शुक्रवारी एका दिवसात ८५ मिलिमीटर पाऊस पडल्याने आत्तापर्यंत तालुक्यात एकूण १९१८मिलिमीटर इतका पाऊस पडला आहे. 

मुरबाड : टोकावडे बाजारापेठ ते स्मशानभुमी हेदवली या रस्त्यावरून जाणे येणे म्हणजे स्थानिकांना  तारेवरची कसरत करावी लागते.यामुळे गणपती बाप्पाचे विसर्जन खड्यातून पायवाट काढत करावी लागली.टोकावडे नाक्यावरुन हेदवली रस्ता पुर्णपणे उखडून गेला असून या रस्त्यावर  मराठी शाळा, शारदा महाविद्यालय, फाॅरेस्ट कार्यालय, टोकावडे  पोलिस ठाणे हेदवलीगाव, एकलेशीआई आदिवासी वाडी हे सरकारी रुग्णालय हे नागरिक दररोज ये जा करतात हा रस्ता चार ते पाच वर्षांपूर्वी चा असून संबंधित बांधकाम खाते मुरबाड यांचे दुर्लक्ष होत असल्याने नागरिकांना मोठ्या समस्यांना तोंड द्यावे लागत आहे.  गुरुवारी गणपती बाप्पाचे विसर्जन खड्यातून पायवाट काढत झाले आहे.हा रस्ता जर दिवाळीच्या आत केला नाहीतर टोकावडे नाक्यावर मोठे  आंदोलन केल्याशिवाय राहणार नाही असे आवाहन मुरबाड खरेदी विक्री संघाचे चेअरमन प्रकाश पवार व शिवसेना विभागप्रमुख राजेश भांगे यांनी केले आहे.          

भाजपा शिक्षक आघाडी कोकण विभागाच्या वतीने "कार्यकर्त्यांचे अण्णा"  रामनाथ मोते सर यांना भावपूर्ण श्रद्धांजली. शिक्षकांचा देव  गेला,  क्षणार्धातच  सर्वांचे पितृतुल्य  व्यक्तीमत्व  आदरणीय  अण्णां  आज काळाच्या पडद्या आड गेले. संपूर्ण शिक्षक वर्गावर दुःखाचा डोंगर कोसळला.   सर्वत्र अश्रू  अनावर   झालेत.  सर्वांची मने भूतकाळाचा मागोवा घेत आहेत. प्रत्येक जन अण्णांनी आपल्यासाठी कायकाय केले याचे स्मरण करत आहे. हजारो शिक्षकांच्या घरची चूल त्यांनी पेटवली. शिक्षकांच्या अनेक समस्यांना त्यांनी वाचा फोडली. अनाथांचा नाथ रामनाथ अशी देवतुल्य प्रतिमा त्यांनी आपल्या कार्याच्या रूपाने बनवली होती. सध्या गरीब शेतकरी कुटूंबाबत त्यांचा जन्म झाला होता त्यामुळे ते सदैव साधेपणाने राहिलेत. परिषदेचा तळमळीचा, स्वतःला झोकून देऊन काम करणारा कार्यकर्ता, आपला माणूस म्हणून त्यांनी कमी वेळात  नाव लौकिक मिळवला. आयुष्यातील अनेक चढउतार त्यांनी  पाहिले मात्र आपल्या कार्याचा वसा सोडला नाही. कधी डगमगले नाही.  शिक्षकांच्या, पालकांच्या, विद्यार्थ्याच्या प्रश...

ठाणे - महापालिकेच्या फिरत्या विसर्जन व्यवस्थेला ठाणेकरांनी चांगला प्रतिसाद दिला. कोरोनाच्या पार्श्वभूमीवर हॉटस्पॉट मधील गणेश भक्तांसाठी महापालिकेनं फिरती गणेश विसर्जन व्यवस्था सुरू केली आहे. त्यानुसार आज दीड दिवसाच्या गणपतींचे या व्यवस्थेमध्ये विधीवत विसर्जन करण्यात आलं.  हॉटस्पॉट मधील गणेश भक्तांना दुस-या ठिकाणी जाऊन विसर्जन करावे लागू नये यासाठी महापालिकेनं फिरती विसर्जन व्यवस्था सुरू केली आहे. त्यामुळे कोरोनाचा प्रसार रोखण्यास मदत होणार आहे. त्या पार्श्वभूमीवर महापालिकेच्या या व्यवस्थेचा फायदा होणार आहे. फिरत्या विसर्जन व्यवस्थेमार्फत दीड दिवसांप्रमाणेच ५दिवसांच्या आणि दहा दिवसाच्या गणपतींचेही विसर्जन करण्यात येणार आहे.

ठाणे : आदिवासी  घटकासाठी अनेक योजना सरकारकडून राबविल्या जातात.त्या योजना  ग्रामीण भागातील शेवटच्या घटकापर्यंत पोचल्या पाहिजेत व आदिवासी बांधवाना त्याचा लाभ भेटला पाहिजे.त्यांसाठी त्याच्या समस्या तात्काळ सोडवा असे प्रतिप्रादन आदिवासी  विकास मंत्री के.सी. पाडवी यांनी आदिवासी विकास योजनाची आढावा बैठक समिती सभागृह जिल्हाधिकारी कार्यालय येथे केले.  यावेळी जिल्हाधिकारी राजेश नार्वेकर,पोलीस आयुक्त ठाणे  ग्रामीण, डॉ.शिवाजी राठोड,संबधित विभागाचे सर्व अधिकारी उपस्थित होते. आदिवासी विकास मंत्री  पाडवी यांनी तालुका निहाय आदिवासी योजनाचा आढावा घेतला व  समस्या जाणून घेतल्या.आदिवासी भागात जातीचा दाखला मिळत नसल्यामुळे विद्यार्थांना योजनाचा लाभ मिळत नाही त्यामुळे आदिवासी भागात जातीच्या दाखल्यासाठी कॅप आयोजीत करा असे निर्देश संबधिताना दिले. आदिवासी शेतकऱ्यांना त्यांचा  शेतीविकास किफायतशीरपणे होण्याच्या दृष्टिने उपलब्ध असलेल्या  साधनांचा व उर्जेचा पुरेपूर उपयोग करुन आदिवासी भागात जे उत्पादन होते त्याच्या उत्पादनाचे मार्केटींग करणे गरजेचे आहे .वंदन केंद्र शहापू...

कोरोनामुळे जाहीर केलेल्या लॉकडाऊनमध्ये संयुक्त अरब अमिरातीतील दुबई मधील अडकलेल्या भारतीयांना मायदेशी परतण्यासाठी केलेल्या मदतीबद्दल, भिवंडी लोकसभेचे खासदार कपिल पाटील यांचे  गणेशोत्सवाचे औचित्य साधून दुबईतील भारतीय नागरिकांनी  कृतज्ञता व्यक्त केली.  कोरोनाच्या संसर्गामुळे जाहीर झालेल्या लॉकडाऊनमध्ये दुबईतील (यूएई) भारतीयांचे हाल सुरू झाले होते. तेथील शेकडो कुटूंबांना परतीचा मार्ग नव्हता.  'वंदे भारत' योजनेतून काही देशांमध्ये विमाने पाठविण्यात आली होती. मात्र, त्यात दुबईचा समावेश नव्हता. या परिस्थितीत तेथील श्रीमती शुभांगी साका व पार्थ सावर्डेकर यांच्यासह काही भारतीयांनी, भाजपाचे अध्यक्ष जे. पी. नड्डा, खासदार कपिल पाटील यांच्यासह वरिष्ठ नेत्यांशी सम्पर्क करून परिस्थिती बाबत खासदार कपिल पाटील यांना माहिती दिली असता तत्काळ दखल घेऊन परराष्ट्र मंत्रालयाला पत्र पाठविले होते. त्यानंतर यूएईत विमानसेवा सुरू करण्यात आली. तसेच तेथील भारतीय वकिलातीमार्फत भारतीयांना मदत देण्यात आली. अनेक भारतीय नागरिकांना सुरक्षित मायदेशी आणले गेले .             ...

अतिदुर्गम आदिवासी भाग असलेल्या गावातील लोकांना दवाखान्यात, बॅंकेत, शासकीय दाखले, किराणा साहित्य आणण्यासाठी बाहेर तालुक्याच्या ठिकाणी यावे लागते, परंतू बसगाड्यांची सोय नसल्यामुळे अनेक लोकांना पायी चालत दवाखान्यात यावे लागते. गाडीची सोय नसल्यामुळे आदिवासी भागातील गरीब जनतेला फार ञास सहन करावा लागत आहे. आदिवासी भागातील वाल्हिवरे, केळेवाडी, कुंभाळे, न्याहाडी, मोरोशी, दिवणपाडा, आवळेवाडी, भोरांडे, भोईरवाडी, डोंगरवाडी, शिसेवाडी  अश्या अनेक गावांतील लोकांना बसगाड्यांची सोय नसल्यामुळे अनेक समस्यांना सामोरे जावे लागत आहे, तरी मुरबाड एसटी महामंडळाने लवकरात लवकर वाल्हिवरे बस सुरू करावी अशी मागणी सौ.अरूणा रघुनाथ खाकर उपसभापती पंचायत समिती मुरबाड यांनी एका निवेदनाद्वारे केली आहे.

वाडा: भिवंडी-वाडा रस्त्याची प्रचंड दुरावस्था झाली असून रस्त्यावर गुडघाभर खड्डे पडले आहेत. त्यामुळे नित्याचीच वाहतूक कोंडी व लहान मोठे अपघात होत होते.यातून नागरिकांची सुटका होऊन गणपती सणा पूवी रस्ता वाहतूकीस योग्य व्हावा म्हणून प्रशासनाचे लक्ष वेधण्यासाठी जिजाऊ शैक्षणिक सामाजिक संस्थेच्या वतीने कुडूस नाक्यावर रास्ता रोको आंदोलन छेडून सावॅजनिक बांधकाम विभागाकडून हा रस्ता गणपती सणा पूवी वाहतूकीस योग्य करण्याचे लेखी आश्वासन घेतले. परंतु आंदोलन संपताच आंदोलकांवर गुन्हे दाखल करून आंदोलन दाबण्याचा प्रयत्न झाल्याने हा विषय बाजूला राहिल्याने या वषीही गणपती बाप्पाचे आगमन खड्डे तुडवतच झाले. याचे राजकीय पक्षांना काहीही सोयर सुतक नसल्याने थातुरमातुर खड्डे भरून ठेकेदाराने मात्र उखल पांढरे करून घेतले.              वाडा-भिवंडी -मनोर या महामार्गावरील डाकिवलीफाटा ते वाडा या २०कि.मी.अंतराच्या रस्त्यावरील पडलेल्या खड्ड्यांच्या दुरूस्तीचा ठेका जय भारत कंस्टक्शन कंपनीला ३कोटी रूपयांना देण्यात आला असून या मध्ये त्यांनी उन्हाळा व पावसाला या दोन्ही मोसमात रस्त्याची दुरूस्ती कर...

शहापुर: गेल्या कित्येक वर्षांपासून शहापुर बाजारपेठेतील वाहतुक कोंडीची समस्या आजही जैसे थे आहे. त्यामुळे ही वाहतूक कोंडी सूटणार कधी? असा संतप्त सवाल नागरिकांकडून केला जात आहे. तर वर्षोनुवर्षे  वाहतुक कोंडीची समस्या सोडविण्यासाठी दुर्लक्ष होत असल्याचा आरोप केला जात आहे. तसेच बाजारपेठ जूना आग्रा रोडवर वाहतूक कोंडी ही नित्याची बाब झाली आहे. या ठिकाणी रोज सकाळी  माल वाहतुक मोठ्या ट्रक उभ्या असतात. तर चारचाकी गाडी भर रस्त्यात लावल्या जातात,  त्यातच दुचाकीस्वाराची संख्या मोठ्या प्रमाणावर असल्यामुळे रस्त्यावर चालणेही नागरिकांना मुस्किल झाले आहे. परिणामी वयोवृद्घ, लहान मुले, महिला यांचा अपघात होण्याची शक्यता नाकराता येत नाहीं. तर उपजिल्हा रुग्णालय पार्किंगस्थळ झाल्याची चर्चा खुलेआम होत आहे. परिणामी उपजिल्हा रुग्णालया समोर वाहतूक कोंडी बऱ्याच वेळापर्यन्त असते.  त्यामुळे या  ठिकाणाहुन रुग्णवाहिका नेणेही अवघड दिसत आहे. त्यामुळे एखादा रुग्ण अत्यवस्थ असेल तर त्याला वाहतूक कोंडीचा फटका बसुन वेळेवर उपचार मिळू शकणार नाही. असे गंभीर आरोप भाजपा अल्पसंख्याक विभागाचे शहापुर ता...

कल्याण  : लॉकडाऊनचा काळात लॉड्रीचा धंदा बंद पडल्याने कुटंबियांचा उदरनिर्वाह करण्यासाठी शेजाऱ्याला पाहून अमरबहादूर याने देखील पाव खारी विक्रीचा धंदा सुरु केला. मात्र शेजारी असलेल्या दुकानदाराने आपल्या साथीदारांसह आमच्यापेक्षा स्वस्तात पाव का विकतो असे विचारत त्याला मारहाण केली यावेळी भांडण सोडवण्यासाठी गेलेल्या अमर यांचा भाऊ रोशनलाल याला देखील तिघांनी बेदम मारहाण केली या मारहाणीत रोशनलाल याचा मृत्यू झाला . कल्याणच्या वालधूनी परिससरात ही धक्कादायक घटना घडली आहे. या प्रकरणी सलाउद्दीन अन्सारी,कशमुद्दीन अन्सारी ,मोहम्मद अन्सारी या  तीन जणांना अटक केल्याची माहिती एसीपी अनिल पवार यांनी दिली . कल्याण येथील वालधूनी परिसरात अमरबहादूर कनोजिया हे लॉंद्री चा व्यवसाय करुन ते आपली पत्नी, दोन मुली या उदरनिर्वाह करीत होते. कोरोनामुळे लॉकडाऊन लागू झाला. लॉकडाऊनच्या काळात लॉण्ड्रीचा धंदा पूर्णपणे ठप्प झाला. अमर यांच्या शेजारी सल्लाद्दीन अन्सारी यांचा खारी पाव विक्रीचा धंदा होता. लॉकडाऊनच्या काळात अमर आर्थिक अडचणीत असल्याने त्यांनी देखील पाव खारी विक्रीचा धंदा सुरु केला.अमर कडे ग्राहक वाढल्याने ...

कल्याण- लालचौकी जवळील दत्त आळीमधल्या प्रसिद्ध दत्त देवस्थानासमोरील २०० वर्ष जुने असलेले वडाचे झाड रविवारी रात्री उन्मळून पडले. प्रचंड मोठे असे हे झाड मंदिराच्या बाजुला असलेल्या पुजा-यांच्या घरावर पडले. सुदैवाने त्यावेळेस पुजारी घरात नसल्याने मोठा अनर्थ टळला परंतु घराचे मोठे नुकसान झाले आहे. बाजुला विजेचा खांब पुर्णपणे क्षतिग्रस्त झाल्यामुळे परिसरातील वीज पुर्णपणे खंडीत झाली होती.  सोमवारी अग्निशमन दलाच्या कर्मचाऱ्यांनी युध्दपातळीवर काम हाती घेवून झाड घरावरुन बाजुला केले तसेच वीजमंडळाच्या कर्मचा-यांनी नविन खांब उभारून परिसरातील वीजपुरवठा सुरळीत चालू केला.एवढे मोठे झाड उन्मळून पडले असतानाही काही जिवीत हानी झाली नाही ही भगवंताची कृपा होय अशी देवस्थानच्या मंडळींनी भावना व्यक्त केली.तसेच सणासुदीच्या काळात अग्निशमन दलाने व विजमंडळाने युध्दपातळीवर काम हाती घेवून अडचण दुर केल्याने त्यांचे आभार मानले.

मुरबाड :   या वर्षी कोरोना महामारीच्या संकटात २२ आॕगस्ट ला गणेश चतुर्थीला  गणपती बाप्पाचे साधेपणात  आगमन झाल्यांनतर काल दीड व  आज अडीच दिवसांच्या घरगुती  बाप्पांचे साधेपणात विसर्जन करण्यात आले.गूलालाची उधळण नाही, मिरवणूक नाही ,ढोल ताशे ,डीजेचा कर्कश आवाज न होता अतंत्य साधेपणात कमी गर्दीत तालुक्यातील मुरबाड शहरासह सरळगाव ,म्हसा , धसई, टोकावडे ,शिवळे परिसरातील घरगुती  बाप्पांना आज निरोप देण्यात आला. तालुक्यात शहरासह  ग्रामीण भागात कोरोनाचा वाढता प्रादुर्भाव पाहता मुरबाडचे  तहसिलदार अमोल कदम  व  पोलीस निरिक्षक बोराटे यांनी यंदाचा  गौरी-गणपती उत्सवासाठी नागरिकांना शासकीय नियम पाळून ,कोणतीही  गर्दी किंवा एकञ न येता  गणपती सण साजरा करण्याचे  आव्हान केले आहे. या आव्हानाला अनेक ठिकाणी नागरिकांनी उत्तमरीत्या प्रतिसाद दिलेला पाहायला मिळत आहे. बाहेरील कोणतेही  नातेवाईकांना  किंवा मिञ मंडळी यांना न बोलावता व आपणही या काळात घरातच थांबून  देशावर व राज्यावर आलेले कोरोनाचे संकट लवकर दूर होण्यासाठी  विघ्नहर्ताला ...

रायगड जिल्ह्यातील महाड शहरात काजळ पुरा भागातील एक पाच मजली इमारत कोसळली आहे.  इमारतीच्या  ढिगाऱ्याखाली १०० जण अडकले असण्याची शक्यता वर्तवली जात आहे. आठ दहा वर्षे जुनी इमारत  कळत असून इतक्या कमी वर्षांत ही इमारत कोसळली.  स्थानिक प्रशासन  व पोलिस यंत्रणा व एन. डी.आर. एफ.ची टीम घटना स्थळी दाखल झाली आहे. ढिगाऱ्याखाली अडकलेल्या लोकांना बाहेर काढण्याचे प्रयत्न चालू आहेत. सदर इमारतीच्या बिल्डरवर गुन्हा दाखल करण्याची मागणी स्थानिक परिसरातील नागरिकांकडून होत आहे. दरम्यान, रायगड पोलिसांकडून मिळालेल्या माहितीनुसार  “महाड शहर पोलीस ठाणे हद्दीत काजळपुरा भागात ५मजली इमारत आज सायंकाळी सात वाजेच्या सुमारास पडली आहे. यामध्ये ४५ते ४७फ्लॅट होते. सुमारे ७०ते ८० रहिवाशी त्यामध्ये अडकल्याची शक्यता आहे. १५ लोकांना जखमी अवस्थेत बाहेर काढले असून त्यांना उपचारा करीत पाठविले आहे”, अशी प्राथमिक माहिती समोर आली आहे.  सदर इमारतीला आठ वर्ष झाले असून अचानक ही पाच माजली इमारत कोसळण्याने या इमारतीचे बांधकाम हे किती निकृष्ट दर्जाचे होते हे दिसून येते. गेल्या काही वर्षांत महाड आणि रायगड ...

शहापुर : कोविड-१९आयुष टास्क फोर्स महाराष्ट्र शासन आणि नॅशनल इंटिग्रेटेड मेडिकल असोसिएशन यांच्या संयुक्त विद्यमाने शहापूरातही निमा आयुर्वेदिक इम्युनिटी क्लिनिकला परवानगी देण्यात आली आहे. त्यानुसार शुक्रवारी डॉ. संगीता गुजराथी यांचे आयुर्वेदिक इम्युनिटी क्लिनिक सुरू झाले आहे. त्यामुळे ह्या शासनाच्या उपक्रमाचा लाभ घ्यावा असे आवाहन करण्यात येत आहे.  कोविड १९ च्या पार्श्वभूमीवर जनसामान्यांच्या आरोग्याचे भान ठेवून कोविड सोबतच इतर आजारांवर व्यक्तिंची प्रतिकारशक्ती वाढविण्यासाठी निमा आयुर्वेदिक इम्युनिटी क्लिनिकची संकल्पना अंमलात आणण्यात आली आहे. त्यानुसार ह्या  संकल्पनेचे गुरुवारी आरोग्यमंत्री राजेश टोपे यांचे हस्ते  डिजिटल ऑनलाईन उदघाटन करण्यात आले. राज्यात ४०० क्लिनिक सुरू करण्यात आले असून शहापुर तालुक्यातही अश्या प्रकारचे डॉ.  संगीता गुजराथी  यांच्या  आयुर्वेदिक  इम्युनिटी क्लिनिकला परवानगी मिळाल्याने शुक्रवार पासून हे आयुर्वेदिक इम्युनिटी क्लिनिक सुरू करण्यात आले आहे.     ह्या निमा आयुर्वेदिक इम्युनिटी क्लिनिक मध्ये येणाऱ्या प्रत्येक व्यक्त...

ठाणे - अखिल भारतीय कॉंग्रेस कमेटच्या सदस्या, महाराष्ट्र राज्य काँग्रेसच्या सचिव सुमन अग्रवाल यांनी दि.२४ ऑगस्ट रोजी दिल्ली येथे होणाऱ्या काँग्रेस कार्य समितीच्या  बैठकीत युवा नेतृत्व  राहुल गांधी यांची कॉंग्रेस पार्टीच्या राष्ट्रीय अध्यक्षपदी  निवड करण्याची मागणी सर्व सदस्यांनी करावी असे अवाहन केले आहे.  सुमन अग्रवाल यांनी सांगितले कि राहुल गांधी यांची कॉंग्रेस पार्टीच्या राष्ट्रीय अध्यक्षपदी  निवड करणे यासाठी गरजेचे आहे की ते लोकप्रिय व सक्रिय नेता आहेत. त्यामुळे पक्षबांधनी व राष्ट्रहितासाठी ते देशाच्या किंवा समाजाच्या कोणत्याही क्षेत्रात सहज पोहचून भारतीय लोकशाही व राज्यघटनेचे संरक्षण करण्यासाठी समर्थ आहेत. म्हणून सर्व सदस्यानी राष्ट्रीय अध्यक्ष पदी राहुल गांधी यांची निवड करण्याची मागणी करावी असे आवाहन महाराष्ट्र राज्य काँग्रेसच्या सचिव सुमन अग्रवाल यांनी केले आहे.

रामनवमी च्या दिवशी ज्यांचा जन्म झाला होता, त्या रामनाथाला प्रभू रामचंद्रा सारखाच उभ्या हयातीत संघर्षमय जीवन जगावे लागले, पराकोटीची घरची गरिबी त्यामुळे रोजगाराच्या शोधत उल्हासनगरला आलेले रामनाथ मोते सर यांनी मिळेल ते काम करत आपले शिक्षण पूर्ण केले, त्यानंतर याच शहरातील आर.के आभंग विद्यालयात इंग्रजीचे शिक्षक म्हणून आपल्या पवित्र शिक्षकी पेशाचे व्रत सुरू केले. सतत हसरा चेहरा आणि  कठीण विषय सोपा करून सांगण्याची त्याची शैली त्यामुळे ते विध्यार्थी प्रिय शिक्षक म्हणून अल्पकालावधीत नावारूपाला आले. अध्ययन अध्यापन करत असताना त्यांना त्याची समाज कार्याची धडपड स्वस्थ बसू देत नव्हती ,त्यामुळे फावल्या वेळात शिकविण्या घेऊन पैसे कमवण्यापेक्षा त्यांनी सर्वसामान्य शिक्षकांच्या छोट्या मोठ्या प्रश्नाची सोडवणूक करण्याकडे लक्ष केंद्रित केले, हे करताना प्रथम त्यांनी कायद्याची स्वतः पूर्णपणे  माहिती करून घेतली , परिणामी मोते सर समस्या घेऊन गेले की , ती चुटकीसरशी सुटत असे,अधिकाऱ्यांना ही प्रश्न कसा सुटेल हे सांगून त्याची ही अडचण ते दूर करत असत,आणि शिक्षक वर्गाला न्याय ही देत असत, त्याच्या कामसू व अभ्य...

ठाणे - विद्यार्थी हे समाजाला दिशा देणारा महत्वपूर्ण घटक आहे, परंतु कोरोनाच्या वाढत्या प्रादुर्भावामुळे सर्वच शाळा बंद असल्या तरी शालेय विद्यार्थ्यांचे शैक्षणिक नुकसान होवू नये यासाठी महापालिका शाळेत दहावीचे शिक्षण घेणाऱ्या विद्यार्थ्यांना ऑनलाईन पध्दतीने शिक्षण देता यावे यासाठी व्हर्च्युअल क्लासची निर्मिती करण्यात आली. याचा लाभ सर्व ‍विद्यार्थ्यांनी घ्यावा असे आवाहन महापौर नरेश म्हस्के यांनी विषणुनगर येथील शाळा क्र. १९मध्ये झालेल्या उदघाटनाच्या कार्यक्रमात बोलताना केले. कोरोनामुळे शाळा बंद आहेत परंतु दहावीतील विद्यार्थ्यांचे शैक्षणिक नुकसान होवू नये यासाठी महापालिकेने अभिनव अशी संकल्पना सुरू करुन व्हर्च्युअल क्लासरुमच्या माध्यमातून शिक्षण देण्याचा उपक्रमाचं उद्घाटन महापौरांच्या हस्ते झाले. व्हर्च्युअल क्लासच्या माध्यमातून महापालिका शाळांमधून शिक्षण घेणाऱ्या गोरगरीब कुटुंबातील विद्यार्थ्यांचा निश्चितच फायदा होणार आहे. ऑनलाईन शिक्षण घेणाऱ्या दहावीतील विद्यार्थ्यांना प्रोत्साहन देण्यासाठी महापालिका आणि विविध सामाजिक संस्थांनी उपलब्ध करुन दिलेल्या हॅप्पीनेस किटचे वाटप करण्यात आले. या हॅप्...

कोरोनाविरोधात सर्वच स्तरावर संघटीतपणे काम सुरू असुन महाराष्ट्राला लवकरात लवकर या संकटातून बाहेर काढू असा आशावाद मुख्यमंत्री उध्दव ठाकरे यांनी व्यक्त केला.डोंबिवली जिमखाना  येथे कोविड रुग्णांसाठी समर्पित कोविड रूग्णालयाचे ऑनलाईन लोकार्पण करताना त्यांनी हे वक्तव्य केले.असिम्टोमॅटीक पेशंटला देखील व्यवस्थीत आयसोलेशन करणे गरजेचे आहे . कोरोनाशी लढण्यापेक्षा त्यापासुन दुर राहणे आपले हाती आहे . गावागावात कोरोना बाबत दक्षता कशी घ्यावी याची जनजागृती करावी म्हणजे कोरोनाची काळजी करण्याची आवश्यकता नसल्याचे वक्तव्य त्यांनी केले .   कोरोनाशी लढून हरविण्यपेक्षा कोरोना होणारच नाही या साठी शक्यतोवर काळजी घ्यावी  , देशांत ठाणेमहपालिकेचा रिकव्हरी रेट ८९ % आहे व कल्याण डोंबिवली महानगरपालिकेचा रिकव्हरी रेट ८५ % आहे . हे दिलासादायक चित्र असल्याचे उद्गार उपुमख्यमंत्री अजित पवार यांनी या वेळी काढले . या रूग्णालयात ५१ ऑक्सीजन बेड उपलब्ध असून त्यातील ०३ बेडडायलिसीस रूग्णाकरीती राखीव ठेवण्यात आलेले आहेत . या व्यतिरिक्त ३० व्हॅंटिलेटर आणि ४० Baipap आणि ५ High Flow Nasal Oxygen Machine सुविधा देख...

ठाणे - गेले दोन दिवस पडत असलेल्या जोरदार पावसामुळे पिण्याच्या पाण्याची टंचाई दूर झाली असली तरी ऐन गणेशोत्सवापूर्वी झालेल्या पावसामुळे गणेश भक्तांच्या खरेदीवर विरजण पडलं आहे. गेले दोन दिवस शहराप्रमाणेच धरणांच्या पाणलोट क्षेत्रातही जोरदार पाऊस होत आहे. या जोरदार पावसामुळे भातसा धरणातूनही पाण्याचा विसर्ग सुरू झाला आहे. काल संध्याकाळी ६ वाजल्यापासून भातसा धरणातून प्रतिसेकंद २३ क्युसेक्स पाण्याचा विसर्ग सुरू झाला असून आज दुपारी दीड नंतर पाण्याच्या विसर्गात वाढ झाली असून आता प्रति सेकंद १०७ पाण्याचा विसर्ग सुरू झाला आहे. त्यामुळे भातसा नदीच्या काठावरील गावांना सतर्कतेचा इशारा देण्यात आला आहे. शहरातही पावसानं जोरदार हजेरी लावली असून सकाळी साडेआठपासून दुपारी अडीच वाजेपर्यंत ३८ मिलीमीटर पावसाची नोंद झाली आहे. काल आणि आज झालेल्या पावसामुळं अनेक ठिकाणी पाणी साचणं तसंच झाडे पडण्याच्या घटना घडल्या आहेत. सुदैवानं यामध्ये कोणतीही जिवितहानी झालेली नाही.

ठाणे - विद्यार्थी हे समाजाला दिशा देणारा महत्वपूर्ण घटक आहे, परंतु कोरोनाच्या वाढत्या प्रादुर्भावामुळे सर्वच शाळा बंद असल्या तरी शालेय विद्यार्थ्यांचे शैक्षणिक नुकसान होवू नये यासाठी महापालिका शाळेत दहावीचे शिक्षण घेणाऱ्या विद्यार्थ्यांना ऑनलाईन पध्दतीने शिक्षण देता यावे यासाठी व्हर्च्युअल क्लासची निर्मिती करण्यात आली असून याचा लाभ सर्व ‍विद्यार्थ्यांनी घ्यावा असे आवाहन महापौर नरेश म्हस्के यांनी विषणुनगर येथील शाळा क्र. १९ मध्ये झालेल्या उदघाटनाच्या कार्यक्रमात बोलताना केले.  कोरोनामुळे शाळा बंद आहेत परंतु दहावीतील विद्यार्थ्यांचे शैक्षणि नुकसान होवू नये यासाठी महापालिकेने अभिनव अशी संकल्पना सुरू करुन व्हर्च्युअल क्लासरुमच्या माध्यमातून शिक्षण देण्याचा उपक्रमाचं उद्घाटन महापौरांच्या हस्ते झाले. व्हर्च्युअल क्लासच्या माध्यमातून महापालिका शाळांमधून शिक्षण घेणाऱ्या गोरगरीब कुटुंबातील विद्यार्थ्यांचा निश्चितच फायदा होणार आहे. ऑनलाईन शिक्षण घेणाऱ्या दहावीतील विद्यार्थ्यांना प्रोत्साहन देण्यासाठी महापालिका आणि विविध सामाजिक संस्थांनी उपलब्ध करुन दिलेल्या हॅप्पीनेस किटचे वाटप करण्यात आले....

भिवंडी : तालुक्यातील विकसीत ग्रामपंचायत म्हणुन ओळख निर्माण केलेल्या वळ ग्रामपंचायत येथे कोरोनाच्या पार्श्वभुमीवर सरपंच हर्षदा अरुण भामरे यांच्या हस्ते ग्रामपंचायत कर्मचारी व गावातील सर्व पक्षीय सामाजिक संस्था-क्रिडा मंडळ,डाॅक्टर,पोलिस पाटील,अंगणवाडी सेविका व कर्मचा-याना कोरोना योध्दा म्हणुन गौरविण्यात आले. कोरोनाच्या प्रादुर्भावात गेली ५ महिने ग्रामपंचायतीचे कर्मचारी समवेत गावातील सर्व लहान थोर मोठ्यांनी आपला जीव धोक्यात घालुन कोरोना सारखा आजार नियंत्रणात आणण्यासाठी महत्वाचा वाटा उचलला आहे त्यामुळे त्यांच्या कार्याची दखल घेऊन ग्रामपंचायतीच्या वतीने  कोरोना योध्दा सन्मानपत्र देऊन गौरविण्यात आले.कोरोनावर नियंत्रण मिळवण्यासाठी संपुर्ण गांव एकत्र आले असुन कोरोनाला गावातुन हद्दपार देखील केले त्यामुळे सरपंच हर्षदा अरुण भामरे व उपसरपंच राजन मढवी समवेत सर्व सदस्यांनी सर्व ग्रामस्थांचे मनापासु‌न आभार देखील व्यक्त केले.

पडघा :  वार्ताहर   आज   पडघा ग्रामपंचायत  ऊपसरपंच निवडणुकीत  कोवीडग्रस्त रेणुका पदमन पाटील या सदस्याने मतदान केले. भिनार कोवीड सेंटर येथे अॅडमीट असलेली सदस्या दुसरीकडे उपचारासाठी जात असल्याचे कारण देत थेट पडघा ग्रामपंचायत मध्ये येऊन उपसरपंच निवडणुकीत पीपीई किट घालुन मतदान  केले आणि मतदान झाल्यावर पुन्हा भिनार कोवीड सेंटर येथे अॅडमीट झाले तेथील डाॅ वाघमारे यांच्याशी विचारणा केल्यावर त्यांनी आमची दिशाभुल करून रूग्ण रेणुका पाटील यांनी सदर वर्तन केल्याचे सांगीतले. परत आल्यावर रूग्णाला आम्हाला अॅडमीट करून घेणे भाग पडले.  या ऊपसरपंच निवडणुकीत भाजपा ऊमेदवार प्रणिता प्रदिप जगे यांचा पराभव करत मनसे आणि शिवसेना यांची युतीच्या  मनसेच्या श्वेता  शैलेश बिडवी हया ऊपसरपंच  पदी निवडुन आल्या  परंतु या नाटयाची चर्चा  सपुर्ण गावात संतप्त आणि आश्चर्यकारक रित्या रंगली आहे. कोरानाग्रस्ताने सार्वजनिक ठीकाणी येऊन अशी कृती करणे म्हणजे इतर नागरीकांच्या आरोग्यास धोका पोहचवण्या सारखे आहे ही कृती योग्य की अयोग्य आहे  शासन याबाबत काय कारवाई करेल याकडे ...

कल्याण : दिनांक २२ ऑगष्ट पासुन सुरू होणे-या गणेशोत्सवाकरिता कल्याण डोंबिवली महानगरपालिका सज्ज झाली असुन गणेशोत्सव शांततामय वातावरणात पार पडावा तसेच कोरोना साथीच्या आपत्कालीन परिस्थितीत गणेश उत्यवादरम्यान होणारी गर्दी टाळण्याकरीता महापालिका यावर्षीही “ विसर्जन आपल्या दारी“ हा उपक्रम राबविणार असुन त्यासाठी महानगरपालिकेच्या प्रशासकिय प्रभागात  मोठ्या ट्रकमध्ये  ३००० लिटर पाण्याची टाकी बसवुन मुख्यचौकात घरगुती. गणपती विसर्जनाकरीता फिरविण्यात येणार आहे .  प्रत्येक प्रभाग क्षेत्रात चौकाचौकात सदर वाहन उभे ठेवण्याची वेळ निश्चित करून याबाबत उद्घोषणा करण्यात येणार आहे . कल्याण व डोंबिवली विभागातील गणपती विसर्जन स्थळी व गणेश विसर्जन मिरवणूक  मार्गावरील चौकांमध्ये सुरक्षेसाठी महानगरपालिकेने २७ महत्त्वाच्या ठिकाणी १२५ सीसीटीव्ही कॅमेरे बसविण्याची व्यवस्था केलेली असुन , गणेशोत्सवा दरम्यान प्रकाश व्यवस्थेसाठी विहीत क्षमतेचे ५२ जनरेटर बसविण्यात येणार असुन २३९५ हॅलोजन व ५८ लाइटिंग टॅावर उभारण्यात येत आहेत . महापालिकेच्या कल्याण विभागात ३१ विसर्जन स्थळे असुन , कल्याण पुर्व येथे गावदेव...

पडघा : केंद्र सरकारने काढलेल्या एका जाचक अध्यादेशाला विरोध करण्यासाठी भिंवडी कृषी उत्पन्न बाजार समीतीने एकदिवसीय लाक्षणिक संपात संपात सहभाग घेऊन  निषेध नोंदवला.  ५ जुन २०२० रोजी केंद्र सरकारने काढलेल्या नियमन मुक्ती आध्यादेशास विरोध करण्यासाठी व कृषी उत्पन्न बाजार समितीच्या कर्मचारी वर्गाला शासन सेवेत समाविष्ट करणेसाठी सरकारचे लक्ष वेधण्यासाठी २१ आँगस्ट रोजी महाराष्ट्र राज्य बाजार समिती सहकारी संघ  व महाराष्ट्र राज्य बाजार समिती कर्मचारी संघ पुणे यांच्या संयुक्त विद्यमाने पुकारलेल्या देशव्यापी एकदिवसीय लाक्षणिक संपात भिंवडी कृषी उत्पन्न बाजार समिती संचालक मंडळ अधिकारी कर्मचाऱ्यांसह संपात सहभागी झाले होते.यावेळी विवीध सर्व व्यवहारासह तालुक्यातील उपबाजार आवार आस्नोली येथील शेतीमालाचे व कोन येथील मेंढ्या बकरी खरेदी विक्री व्यवहार १०० टक्के बंद ठेवले होते.