ठाणे जीवनदीप वार्ता

ठाणे : राष्ट्रवादी काँग्रेसची प्रत्येक महिला कार्यकर्ता ही वाघिण आहे.त्यामुळे महिलांवरील अत्याचाराविरोधात शांत बसू नका.अन्याय, अत्याचाराविरोधात संघर्ष करा,असे आवाहन राष्ट्रवादी महिला काँग्रेसच्या प्रदेशाध्यक्षा रूपालीताई चाकणकर यांनी केले. तसेच, कल्याण-डोंबिवली, नवी मुंबई, ठाणे महानगर पालिका निवडणुका जिंकण्यासाठी राष्ट्रवादी काँग्रेसचे नेते तथा गृहनिर्माण मंत्री जितेंद्र आव्हाड यांच्या मार्गदर्शनाखाली महिलांची स्वतंत्र फळी सज्ज करा.अशी सूचनाही यावेळी सौ. चाकणकर यांनी केली.  बुधवारी ठाण्यातील  टीप टॉप प्लाझा,येथे  राष्ट्रवादी महिला काँग्रेस, ठाणे शहर जिल्हा, कल्याण-डोंबिवली शहर जिल्हा,उल्हासनगर शहर जिल्हा,भिवंडी शहर आणि ठाणे ग्रामीण मधील पदाधिका-यांची तसेच जिल्ह्यातील सर्व बुथ कमिट्यांची आढावा बैठक पार पडली. यावेळी महिला प्रदेश अध्यक्षा सौ. रुपालीताई चाकणकर यांनी उपस्थितांना मार्गदर्शन केले.यावेळी ठाणे व पालघर जिल्हा समन्वयक तथा ठाणे शहर जिल्हा अध्यक्ष आनंद परांजपे, ठामपा च्या विरोधी पक्षनेत्या श्रीमती. प्रमिलाताई केणी,संघर्ष महिला संघ च्या अध्यक्षा सौ.ऋताताई आव्हाड मंचावर...

उल्हासनगर: भाजपाचे अधिकांश नगरसेवक असल्याने साईपक्षाला भाजपात विलीन करून महापौर पद मिळवण्यासाठी कंबर कसणाऱ्या भाजपाचा डाव शिवसेनेने ओमी कालानी यांच्या सोबतीने हाणून पाडून महापौर पद बळकावले होते.याच निवडणुकीची पुनरावृत्ती करताना शिवसेनेने भाजपाचेच विजय पाटील यांना उमेदवारी देऊन स्थायी समिती सभापती पद अर्थात उल्हासनगर पालिकेच्या तिजोरीच्या चाव्याही बळकावल्या आहेत.तब्बल चार वेळेस स्थायी समिती सभापती पद मिळवणारे उल्हासनगरातील पीएम म्हणून ओळखले जाणारे प्रकाश माखिजा यांची खेळी यावेळी निष्प्रभ ठरली आहे.  महाविकास आघाडीकडे ७ आणि भाजपाकडे ९ ही  विजयी आकडेवारी असल्यामुळे स्थायी समिती सभापती पदावर भाजपाच्या जया माखिजा यांचाच विजय होणार हे निश्चितच होते.मात्र शिवसेनेच्या वतीने सुचक व अनुमोदन देऊन भाजपाचेच विजय पाटील यांना उमेदवारी देऊन निवडणुकीला कलाटणी दिली.समसमान ८ मतदान झाल्याने नशिबाचा खेळ चिट्ठीवर होणार असे चित्र असतानाच भाजपाचे स्थायी सदस्य डॉ.प्रकाश नाथानी यांनी सदस्यत्वाचा राजीनामा दिल्याने भाजपा संख्याबळा अभावी बॅकफुटला गेली.आणि बाजी पूर्णपणे पलटून गेली.नाथानी यांच्या राजीनाम्यान...

कल्याण:  तालुक्यातील खडवली वावेघर ग्रामपंचायत उपसरपंच पदावर राष्ट्रवादीने बाजी मारली असून. दत्तात्रय जाधव अकरा विरुद्ध सहा मताने विजय झाले आहे. विशेष म्हणजे भाजपा दहा सदस्य असूनही भाजपला पराभवाला सामोरे जावे लागले . दत्तात्रय जाधव राष्ट्रवादीचे नेते रमेश जाधव यांचे कनिष्ठ बंधू असून. माजी सभापती दर्शना जाधव यांचे पती आहे .सर्वांशी मनमिळावू राहणारे दत्तात्रय जाधव हे विजयी झाल्यामुळे सगळीकडे आनंदाचे वातावरण पसरले आहे. " आपण ग्रामपंचायत च्या सर्व मूलभूत प्राधान्य देणार ".असल्याचे जाधव यांनी पत्रकारांशी बोलताना सांगितले.

  खर्डी: मुस्लिम बांधवांच्या ईद ए मिलाद व कोजागिरीच्या पार्श्वभूमीवर खर्डी विभागात कोणताही अनुचित प्रकार घडू नये यासाठी शहापुरचे पोलीस निरीक्षक घनश्याम आढाव यांच्या मार्गदर्शनाखाली खर्डी पोलीस दुरक्षेत्रा च्या प्रांगणात शांतता कमिटीची सभा घेण्यात आली. कोरोनाच्या वाढत्या प्रादुर्भावात शासकीय नियम पाळून सण साजरे करा, मिरवणूक काढू नये,प्रवचन ऑनलाइन दाखवा,समाजात कोणाच्याही भावना भडकणार असे मेसेज सोशियल मिडियावर वायरल करू नये याची काळजी घ्या,कोणताही संशयित प्रकार निदर्शनास आल्यास तात्काळ पोलिसाशी संपर्क करा,कुठेही वाद होणार नाही याची काळजी घ्या  सोशल मिडिया वरील भावना भड़कवीणारे मेसेज व्हायरल करणाऱ्याचा शोध घेण्यासाठी विशेष यंत्रणा स्थापन करण्यात आली असून अश्या व्यक्तिवर कायदेशीर कारवाई करण्यात येईल पोलीस उपनिरीक्षक निलेश कदम यांनी मार्गदर्शन करताना सांगितले.यावेळी समाजसेवक पप्पू मिस्रा,मुस्लिम ट्रष्टचे शाकिर शेख,फारूक मेमन,सय्यद,मलिक शेख,अय्याज कोतवाल,पोलीस अंमलदार अंबर कांबळे,एन,दहावड यांच्यासाहित अनेक मान्यवर उपस्थित होते.

    मुरबाड: देशासह राज्यभर कोरोनाचे महाभयंकर संकट असताना या महामारीत अनेकांना आपला जीव गमवावा लागला आहे . सध्या राज्यात रक्ताचा तुटवडा आहे राज्याची व देशाची गरज ओळखून  मुरबाड पंचायत समितीचे माजी सदस्य व आमदार किसन कथोरे यांचे कट्टर समर्थक तालुक्यातील भाजपार्टीचे  युवा नेतृत्व अनिलजी घरत यांनी आपल्या ३७ व्या  वाढदिवसाला कोणताही  डाम डौल न दाखवता रक्तदान शिबिराचे आयोजन करुन सामाजिक बांधिलकी जपली आहे. रक्तदान हे सर्वश्रेष्ठ दान आहे अनेक रुग्णांना महत्त्वाच्या सर्जरी साठी रक्ताची नितांत गरज असते परंतु अचानक पणे हे रक्त उपलब्ध होत नाही काही वेळा रक्ता अभावी पेशंटचा मृत्यूही ओढवतो.  म्हणुन आपल्या  वाढदिवसाला रक्तदान  शिबिराचे  आयोजन करुन अनिल घरत यांनी तालुक्यात  वेगळा आदर्श निर्माण केला आहे.  टोकावडे - धसई परिसरातील  त्यांच्यावर प्रेम करणाऱ्या १०३ तरुणांनी या शिबिरात रक्तदान केले. या साठी संकल्प ब्लड बॕक कल्याण यांचे मोलाचे सहकार्य लाभले. या शिबिराला जिल्हा परिषद समाजकल्याण सभापती सौ. नंदा उघडा , माजी सभापती दत्तु वाघ, मुरबाड प...

ठाणे : ओबीसीमधील अतिमागासांना मिळणाऱ्या आरक्षणाचे फायदे आज पर्यंत मिळाले नाहीत. परिणामी,राज्यातील बारा बलुतेदार समाज मोठ्या प्रमाणात विकासापासून दूर राहिला आहे.त्यामुळे या बलुतेदारांना स्वतंत्र ४ टक्के आरक्षण देण्यात यावे,या मागणीसाठी ओबीसी,भटके विमुक्तांचे नेते खासदार हरिभाऊ राठोड यांच्या नेतृत्वाखाली गुरुवारी ठाणे जिल्हाधिकारी कार्यालयासमोर निदर्शने करण्यात आली.या ठिकाणी लाक्षणीक उपोषण करण्यात येणार होते.मात्र कोरोनामुळे प्रशासनाने परवानगी नाकारल्याने बलुतेदारांनी निदर्शने केली.  गुरुवारी जिल्हाधिकारी कार्यालयासमोर गुरव, कुंभार,कासार,मिस्त्री, लोहार,न्हावी,पांचाळ, धोबी,शिंपी,सोनार,वाडी - खाती,सोनार-बंजारा समाजातील नागरिकांनी आरक्षण आमच्या हक्काचे.. नाही कोणाच्या बापाचे, ४ टक्के स्वतंत्र आरक्षण मिळायलाच हवे,अशा घोषणा देत डफडी वाजवत हे आंदोलन केले.  यावेळी हरीभाऊ राठोड यांनी सांगितले की,  राज्यातील बारा बलुतेदार समाजाला सद्या १९ टक्के आरक्षणामध्ये आहे, परंतु या १९ टक्के आरक्षणामध्ये त्यांना कुठलाही लाभ मिळत नाही, कारण ओबीसी मधल्या ज्या पुढारलेल्या जाती आहे, ह्या संपूर्ण आ...

कल्याण : भारतीय जनता पार्टी कल्याण जिल्हा भाजप मच्छीमार सेल अशोक मिरकुटे यांच्या जनसंपर्क कार्यालयाचे उद्घाटन खासदार कपिल पाटील व आमदार रमेश दादा पाटील यांच्या शुभहस्ते करण्यात आले.गोदरेज हील बारावे गाव परिसरात असणाऱ्या समस्यांचे निराकरण होण्याच्या उद्देशाने जनसंपर्क कार्यालयाचे उद्घाटन करण्यात आले आहे अशी स्पष्टोक्ती मिरकुटे यांनी दिली.  भारतीय जनता पार्टी पक्ष आणखी बळकट भावा आणि जास्तीत जास्त निवडणुकीमध्ये भाजपाचे वर्चस्व कसे प्रस्थापित होईल यावर पूर्ण कोपरी आम्ही मेहनत करणार आहोत. प्रभाग क्रमांक ४ मध्ये रस्ते शौचालय तसेच स्मशानभूमीचा प्रश्न उद्भवत आहेत आणि जास्तीत जास्त टॅक्स आमच्या प्रभाग मधून कल्याण डोंबिवली महापालिकेला जातो त्याच प्रभागामध्ये दुरावस्था दिसून येत आहे ती आम्ही योग्य तोपरी मार्गी लावू असे मिरकुटे उद्घाटन वेळी म्हणाले.यावेळी शहर अध्यक्ष प्रेमनाथ म्हात्रे , नगरसेवक अर्जुन भोईर ,नगरसेवक वरून पाटील अर्जुन महत्रे यांच्यासह भाजपा पदाधिकारी कार्यकर्ते व ग्रामस्थ मोठ्या संख्येने उपस्थित होते.

लॉकडाऊन संपुष्टात आल्यानंतर टप्या टप्याने देशभरातील रेल्वे गाड्या सुरू झाल्या आहेत मात्र माथेरानच्या मिनीट्रेनची शटल सेवा अद्याप सुरू झाली नाही सप्टेंबर महिन्यात ई पास ची अट हटविण्यात आल्यानंतर पर्यटकांचा ओघ माथेरानला हळूहळू सुरू झाला मात्र रेल्वेची अमन लॉज ते माथेरान शटल सेवा अद्याप सुरू न झाल्याने महिला व ज्येष्ठ नागरिकांना दस्तुरी नाक्यापासून गावात येण्यासाठी आपल्या सामानासह प्रवास करताना अत्यंत गैरसोयीचे होत असल्याने अपेक्षे प्रमाणे पर्यटक माथेरानला येत नाहीत त्यामुळे व्यवसायाला गती प्राप्त होत नाही. हॉटेल मालक, लॉजिंग , घोडेवाले, रिक्षा वाले,दुकानदार यांसह श्रमिक वर्ग सुद्धा चिंतेत दिसत आहेत.   काही दिवसांपूर्वी माथेरानच्या नगराध्यक्षा प्रेरणा सावंत, माजी नगराध्यक्ष अजय सावंत यांनी मध्य रेल्वेचे डी.आर.एम. (व्यवस्थापक)यांची भेट घेऊन शटल सेवा सुरू करण्याची मागणी केली होती तसेच महाराष्ट्र सरकारच्या आपत्ती व्यवस्थापन समितीचे सचिव अभय यावळकर यांनी तात्काळ शटल सेवा सुरू करण्याची मागणी केली होती मात्र रेल्वेने याबाबत अद्यापही तात्काळ अंमलबजावणी केलेली  नाही.लॉक डाऊनच्या दरम...

 पेण : तटकरे हे रायगडात सुडाचे राजकारण करत आहेत पुन्हा असा प्रयत्न केला तर खपवून घेतला जाणार नाही या राजकारणात मुख्याधिकारी व पोलीस प्रशासन बळी पडले आहेत आमदार रवीशेठ पाटील यांच्या घरात रात्री  झाडाझडती करताना त्यांना लाज वाटली पाहिजे तसेच पोलीस सुतारवाडीची झाडाझडती करतील का  असा घाणाघात विधान परिषदेचे विरोधी पक्षनेते प्रविण दरेकर यांनी पेण येथे बोलताना केले.     १६ ऑक्टोंबर रोजी पेण नगराध्यक्ष यांच्या दालनात झालेल्या स्थायी समितीच्या बैठकीत प्रशासनाने बांधकामाच्या मुद्द्यावरून संबंधितांना नोटिसा बजावल्याने गटनेते व मुख्याधिकारी यांच्यात खडाजंगी झाल्याने मुख्याधिकारी यांनी गटनेते यांच्याविरोधात पोलिस ठाण्यात तक्रार दाखल केली होती त्यावरून ३५३ कलम लावण्यात आले होते प्रशासकीय काम करताना जनतेच्या प्रश्नासाठी अनेकदा आवाज उठवावा लागतो याआधी असे अनेक प्रकार घडले आहेत परंतु कुठेही ३५३ कलम लावण्यात आले नव्हते परंतु खासदार यांच्या दबावामुळे मुख्य अधिकारी व पोलीस प्रशासनाने हे कलम लावून आमदार रविशेठ पाटील यांच्या घराची झाडाझडती घेतली होती हे चुकीचे असल्याचे भारतीय जनता पक...

  कल्याण : लॉकडाऊनमुळे बंद झालेली कल्याण डोंबिवली महानगरपालिकेची परिवहनची पनवेल आणि वाशी बससेवा सुरु करण्यासाठी मनसेने परिवहन व्यवस्थापकांकडे पत्रव्यवहार केला होता. यानंतर पनवेल आणि वाशी बससेवा सुरु झाली असून हि बससेवा सुरु केल्याबद्दल मनसेचे शहर संघटक रुपेश भोईर आणि विभाग अध्यक्ष काजीम शेख यांनी परिवहन व्यवस्थापक मिलिंद धाट यांचे आभारपत्र देऊन आभार मानले आहे.    लोकल सेवा बंद असल्याने नोकरदार वर्गाचे हाल होत होते. यासाठी मनसेने पनवेल आणि वाशी मार्गावर बस सुरु करण्याची मागणी केली होती. त्यानुसार यामार्गावर बस सुरु झाल्याबद्दल मनसेने परिवहन व्यवस्थापकांचे आभार मानत या मार्गांवर ज्यादा बस सोडण्याची मागणी केली आहे. तर या मार्गावरील बससंख्या वाढविण्याचे आश्वासन परिवहन व्यवस्थापकांनी दिले आहे.

भिवंडी : तहसील अंतर्गत येत असलेल्या नांदकर येथील काळू नदीच्या पात्रात मोठ्या प्रमाणात रेती माफियांकडून अवैध वाळू उपसा सुरू असल्याने नागरिकांनी संताप व्यक्त केला आहे.काळू नदीच्या पात्रात नांदकर येथे सक्शन पंपाद्वारे दिवस-रात्र अवैधपणे वाळू उपसा होत असल्याने या विरोधात भूमिपुत्र एकवटले असून अवैध वाळू उपसा तात्काळ थांबविण्यात यावी अशी मागणी नांदकर ग्रामपंचायतीचे उपसरपंच मनोज पाटील यांनी तहसीलदार आदीक पाटील यांच्याकडे केली आहे. राज्यातील नद्या ,खाडी तसेच समुद्र किनारे आदी किनाऱ्यांवर सक्शन पंपाद्वारे बेसुमार वाळू उपसा केला गेल्याने नैसर्गिक किनाऱ्यांचा ऱ्हास झाला आहे. त्यामुळे पर्यावरणाचा ऱ्हास होत असल्याचे सरकारच्या निदर्शनास आल्याने राज्य शासनाने नदी ,खाडी अथवा समुद्रातून सक्शन पंपाद्वारे रेती उत्खनन करण्यावर बंदी घातली आहे .मात्र असे असताना भिवंडी तहसील अंतर्गत मोठ्या प्रमाणात वाळू उपसा होत आहे.याकडे भिवंडी महसूल विभागाचे दुर्लक्ष होत असून संबंधित अवैध वाळू उपसा करणाऱ्यांवर कायदेशीर कारवाई करण्याची मागणी करण्यात येत आहे. काळू नदीवर आंबिवली , नांदकर गावाला जोडणारा एक बंद पूल असून त्याचे ...

  पेण : केंद्र शासनाच्या महिला व बाल कल्याण विभागाच्या “बेटी बचाओ बेटी पढाओ” योजनेंतर्गत जिल्ह्यामध्ये इयत्ता १०वी व इयत्ता १२ वी मध्ये तालुक्यातून प्रथम क्रमांकाने उत्तीर्ण  झालेल्या विद्यार्थी-विद्यार्थीनींना त्यांच्या शैक्षणिक उन्नतीकरिता व शिक्षणास प्रोत्साहन देण्याकरिता जिल्हाधिकारी निधी चौधरी यांच्या हस्ते रु. ५ हजार च्या धनादेशाचे वितरण करण्यात आले.  यावेळी जिल्हा परिषद महिला व बाल कल्याण विभागाचे उप मुख्य कार्यकारी अधिकारी नितीन मंडलिक, विस्तार अधिकारी (सां.) श्रीमती रंजिता थळे तसेच यशस्वी विद्यार्थीनींचे पालक व विद्यार्थी उपस्थित होते.

वाडा :  तालुक्यातील स्वानंदी सोशल वेल्फेअर फाउंडेशनच्या वतीने वाडा येथे  आरोग्य सेविका व आशा सेविका यांचा खणा-नारळने ओटी भरून अनोख्या पद्धतीने सन्मान करण्यात आला.तालुक्यात सामाजिक कार्यात नेहमीच अग्रेसर असलेल्या स्वानंदी सोशल वेल्फेअर फाऊंडेशनची एक स्वतंत्र ओळख आहे. या सोशल फाऊंडेशनच्या माध्यमातून अनेक सामाजिक उपक्रम  वर्षभर राबविले जात असतात.        वाड्यातील आरोग्य सेविका व आशा सेविका तसेच गवारी पाड़यातील गरजू महिलांची साडी-चोळी देऊन व खणा नारळाने ओटी भरुन त्यांच्या प्रती वेगळ्या पद्धतीने आदरभाव व्यक्त केल्याने या अनोख्या उपक्रमाचे सर्वत्र कौतुक होत आहे.कोरोना महामारी सारख्या कठीण प्रसंगी वाड्यातील आरोग्य सेविका व आशा सेविका या आपले आरोग्य धोक्यात घालून,जिवाची परवा न करता अविरतपणे आपले कर्तव्य पार पाडत होत्या. त्यांच्या या कार्याबद्दल कृतज्ञता व्यक्त करण्यासाठी त्यांची ओटी भरुन सन्मान करण्यात आला. देवळातील देवी त्यांच्या रुपात पाहून कर्तव्यदक्ष महिलांची ओटी भरल्याने त्या साडी चोळीचा योग्य सन्मान होईल या विचार धारेने महिलांची ओटी भरण्यात आली असल्याचे स...

ठाणे : डोंबिवलीमध्ये आज पहाटे एका धोकादायक इमारतीचा अर्धा भाग कोसळला. सुदैवानं यामध्ये कोणतीही जिवितहानी झाली नाही. जिल्ह्यामध्ये धोकादायक इमारतींचा प्रश्न गंभीर असून भिवंडीमध्ये जिलानी इमारत कोसळल्यानंतर पुन्हा एकदा इमारत कोसळल्यामुळं हा प्रश्न ऐरणीवर आला आहे. डोंबिवलीच्या कोपर रोडवर असणा-या या दुमजली इमारतीचा अर्धा भाग पहाटेच्या सुमारास कोसळला. सुदैवानं यामध्ये कोणतीही हानी झाली नाही.  या इमारतीमध्ये एक रहिवासी रात्री उशिरापर्यंत टीव्ही पाहत होता. त्याने इमारतीचा काही भाग कोसळतानाचा आवाज ऐकला आणि सर्वांना सतर्क केले. ही इमारत ४२ वर्ष जुनी असून या इमारतीत १५ रहिवासी राहत होते. या इमारतीचा काही भाग कोसळल्याचं लक्षात येताच इमारतीतील सर्व रहिवाशांनी तात्काळ इमारतीबाहेर धाव घेतली. त्यानंतर इमारतीचा अर्धा भाग कोसळला. सर्वजण बाहेर पडल्यामुळं मोठी दुर्घटना टळली.

ठाणे : पथविक्रेत्यांना आत्मनिर्भर बनविण्यासाठी शासनाच्या वतीने लाभ घेण्याचे आवाहन करण्यात येत आहे. एका बाजूने फेरीवाल्यांवर कारवाई केली जाते तर दुस-या बाजूने त्यांना आत्मनिर्भर बनविण्यासाठी कर्ज उपलब्ध करुन दिले जाते. अशा परिस्थितीत नाहक फेरीवाला भरडला जात आहे. आधी फेरीवाला धोरण राबवा त्यानंतरच आत्मनिर्भर योजना राबवा अशी मागणी माजी महापौर मीनाक्षी शिंदे यांनी महापालिका आयुक्त आणि महापौरांकडे केली आहे. तसेच ठाणे पालिकेची ही दुटप्पी भूमिका असल्याचा आरोपही शिंदे यांनी केला आहे. सध्या कोरानाच्या पार्श्वभुमीवर अनेक फेरीवाल्यांची आर्थिक परिस्थिती बिकट झाली असून, त्यांना आत्मनिर्भर बनविण्यासाठी महापालिकेच्या वतीने पंतप्रधान पथविक्रेता आत्मनिर्भर योजनेची अंमलबजावणी केली जात आहे. सध्या विशेष सुक्ष्म पुरवठा योजनेची अंमलबजावणी सुरु असून कारवाई करून फेरीवाले आत्मनिर्भर होतील का असा सवाल यावेळी शिंदे यांनी उपस्थित केला आहे. तसेच त्यांना एक प्रकारे कर्ज उपलब्ध केल्यामुळे फेरीवाल्यांना व्यवसाय करण्यासाठी प्रोत्साहित केले जात असल्याचे निदर्शनास आले आहे. त्यामुळे सध्याच्या परिस्थितीचा विचार करता अशा फे...

ठाणेः ठाण्यातील कोपरी आणि पाचपाखाडी परिसरातील झोपडपट्टीवासियांना झोपडपट्टी पुनर्वसन योजनेतंर्गत घरे मिळण्यास विलंब होत आहे. अनेक लाभार्थ्यांना विकासक घरभाडेदेखील देत नाही. अशा अनेक रहिवाश्यांच्या तक्रारी आल्या होत्या. या पार्श्वभूमीवर आमदार संजय केळकर यांनी शेकडो रहिवाशी आणि संबंधित विकासकाना सोबत घेऊन झोपु प्राधिकारणाच्या वरिष्ठ अधिकाऱ्यांची भेट घेतली. यावेळी एसआरएमधील झोपडीधारकांना नाहक वेठीस धरण्याचे प्रकार खपवुन घेतले जाणार नाहीत असे स्पष्ट केले. तर एसआरए अधिकाऱ्यांनीही दिरंगाई करणाऱ्या विकासकांना तंबी दिली. कोपरी परिसरातील धोबीघाट येथे एसआरए प्रकल्प सुरु आहे. हक्काचे घर मिळेल या आशेने आयुष्याची पुंजी बिल्डरच्या हातात देऊन शेकडो रहिवासी गेली अनेक वर्षे घराबाहेर राहत आहेत. मित्रधाम आणि समन्वय हौसिंग सोसायटीच्या माध्यमातुन एसआरए प्रकल्पाचे काम व्ही राज बिल्डकॉन कंपनीमार्फत विकासक राजेश गुप्ता राबवित आहे. यात ३५५ झोपडीधारक असून प्रकल्प चार वर्षाहुन अधिक काळ रखडला आहे.तसेच विकासकाने मागील १० महिन्यांचे आणि या वर्षीच्या सप्टेंबर महिन्यापासुनचे घरभाडे लाभार्थ्यांना दिलेले नाही.  ...

 टिटवाळा: तालुक्यातील घोटासई येथील शेतकऱ्यांची भात शेती बिल्डरांच्या अनधिकृत माती उत्खननात उध्वस्त झाली आहे, याबाबत शेतकरी वसंत पवार यांनी संबंधित बिल्डरला वारंवार सांगून ही या बिल्डर ने भात शेतीची माती केली आहे.टिटवाळा गोवेली रस्त्याच्या बाजूला पद्मावती बिल्डर्स आणि डेव्हलपर्स याने बिल्डरने टोलेजंग इमारती ची कामे सुरू केली आहेत, या बिल्डर च्या जमिनी लगत वसंत पवार यांची वडिलोपार्जित भात शेती आहे.  याच भात शेतीवर पवार कुटूंबाची गुजराण सुरू आहे. मात्र टिटवाळया नजीक इमारतीची सुरू असलेली बांधकामे येथील शेतीचा घोट घेत आहेत,त्याचा प्रत्यय वसंत पवार याना आला असून यावर्षी त्यांनी भात लागवड केलेली ५० गुंठे जमीन कापणी न करताच तशी च शेतात सोडली आहे,बिल्डरने त्याच्या शेतीत सांडपाणी व इतर पाणी सोडले आहे,त्यामुळे संपुर्ण शेत पाण्याने भरले आहे, ते कापायचे कसे या विवंचनेत पवार कुटूंब असून त्यांनी याबाबत तहसीलदार, कल्याण डोंबिवली महापालिका, टिटवाळा पोलिसांकडे तक्रार केली आहे, मात्र धन दांडग्या बिल्डर वर कारवाई कधी होणार याची प्रतीक्षा वसंत पवार यांना आहे,

उल्हासनगर : मध्यप्रदेशातील इंदोर या शहरातून दोन पिस्तूले व जिवंत काडतुसे विकण्यासाठी आलेल्या इसमावर उल्हासनगर पोलिसांनी झडप घालून त्याला अटक केली आहे.त्याच्याकडील ही जीवघेणी शश्रे ताब्यात घेण्यात आली असून न्यायालयाने या इसमाला ५ दिवस पोलीस कष्ठडीत ठेवण्याचे आदेश दिले आहेत. काल रात्री उशिराने मोहम्मद अब्बासी हा इसम इंदोर मधील रहिवासी कॅम्प नं.१  येथील सी ब्लॉक रोड परिसरात पिस्तूल व जिवंत काडतूसे विक्री करण्यासाठी फिरत असल्याची माहिती उल्हासनगर ठाण्याचे वरिष्ठ पोलीस निरीक्षक राजेंद्र कदम यांना मिळाली होती. त्या माहिती वरून सहायक पोलिस आयुक्त डी.डी.टेळे यांच्या मार्गदर्शनाखाली वरिष्ठ राजेंद्र कदम,उपनिरीक्षक सचिन शिंदे व डी.बी.पथकातील पोलिसांनी या परिसरात सापळा रचला.तेंव्हा मोहम्मद हा डी.टी.कलानी कॉलेज समोरील रोडवरून संशयरित्या उभा असताना पोलिसांना दिसला. पोलिसांनी त्याला ताब्यात घेऊन अंगझडती घेतली असता, त्याच्याकडे एक मेड इन जपान व दुसरे सिल्व्हर कलर असे २ पिस्तूले व ५  जिवंत काडतुस मिळून आली.ही पिस्तूले त्याने एका इसमाकडून व्रिकीसाठी घेतले असल्याची माहिती आरोपीने दिली असून त्या...

अंबरनाथ :  मनसेचे शहर उपाध्यक्ष राकेश पाटील यांची तीक्ष्ण हत्याराने हत्या करण्यात आलीय. अंबरनाथमधील पालेगाव परिसरात सायंकाळच्या सुमारास ही घटना घडलीय. पालेगाव भागात अनेक इमारतींचे बांधकाम सुरू आहे त्या ठिकाणी काही कामानिमित्त गेलेल्या पाटील यांच्यावर चार जणांनी तीक्ष्ण हत्यारांनी हल्ला केला. त्यातच त्यांचा मृत्यू झाला.   या हल्ल्याच्यावेळी पाटील यांनी त्यांचा प्रतिकार करण्याचा प्रयत्न केला मात्र अज्ञात हल्लेखोरांनी त्यांच्या शरीरावर अनेक ठिकाणी वार केले. गंभीर जखमी अवस्थेत पाटील यांना तात्काळ खासगी रुग्णालयात दाखल करण्यात आलं, मात्र उपचारा पूर्वीच त्यांचा मृत्यू झाला.   हल्ल्यानंतर तात्काळ अंबरनाथ पोलिसांनी घटनास्थळी जाऊन पाहणी करून आरोपींचा शोध सुरू केला त्यानंतर पोलिसांनी ४ संशयित आरोपींना ताब्यात घेतलं आहे. पाटील यांनी अंबरनाथ पालिकेच्या निवडणुकीसाठी कंबर कसली होती, त्याचबरोबर पालेगाव भागात नागरी समस्या घेऊन त्यांनी आपली वेगळी ओळख निर्माण केली होती.   त्यामुळे ही हत्या राजकीय घडामोडीतून घडली आहे की इतर काही कारणातून याचा पोलीस शोध घेत आहेत. याप्रकरणी अंबरनाथ शिवा...

ठाणे :  सन २०२०-२०२१ या आर्थिक वर्षातील मालमत्ता कर नागरिकांना वेळेत भरता यावा यासाठी ठाणे महापालिका आयुक्त विपिन शर्मा यांच्या संकल्पनेतून तसेच बँक ऑफ महाराष्ट्र यांच्या सहकार्याने मोबाईल व्हॅन उपलब्ध करण्यात आली असून आता करदात्यांना आपल्या दारातच कर भरणे सोयीचे झाले आहे. दरम्यान करदात्यांकडून मोबाईल व्हॅनला उस्फुर्त प्रतिसाद मिळत असून ते या उपक्रमाबाबत समाधान व्यक्त करीत आहेत. मालमत्ता करदात्याच्या दारी जाऊन कर वसूल करण्याच्या दृष्टिकोनातून बँक ऑफ महाराष्ट्र यांच्या सहकार्याने स्मार्ट कर संग्रह प्रणाली ही ‘मोबाईल व्हॅन’ तयार करण्यात आली आहे. ही व्हॅन पूर्णतः रिझर्व बँक ऑफ इंडिया यांचे प्रमाणकानुसार असून यामध्ये संगणक, प्रिंटर आणि त्याकरता लागणाऱ्या सर्व सुविधा तसेच ऑपरेटर, ड्रायव्हर आणि सुरक्षा रक्षकही पुरवण्यात आले आहेत. याबाबतचा सर्व खर्च बँक ऑफ महाराष्ट्र यांच्यामार्फत करण्यात आला आहे. या व्हॅनद्वारे एखाद्या गृहनिर्माण संस्थेमध्ये मालमत्ता कर वसूल करावयाचा असल्यास ही व्हॅन त्या प्रभाग कार्यालयाकडे पाठवण्यात येते. या व्हॅनद्वारे मालमत्ता करदात्यांनी मालमत्ता कर देयकाची मागणी के...

ठाणे : शिवसेनेने पुन्हा एकदा भाजपवर जोरदार हल्लाबोल केला आहे. ज्या भूमीवर तिरंगा फडकायला पाहिजे,तेथे तो फडकत नाही.हा भाजपचा पराभव आहे.काश्मीरातील अनुच्छेद ३७० हटवल्यावर नक्की बदलले काय,असा सवाल शिवसेनेचे नेते खासदार संजय राऊत यांनी भाजपला विचारला आहे.केवळ मुंबईला पाक व्याप्त काश्मीर म्हणणाऱ्या नटीला संरक्षण आणि आपला तिरंगा असुरक्षित,असेच हे चित्र दिसत आहे.काश्मीरात सद्या राष्ट्रपती राजवट आहे.म्हणजे तेथे दिल्लीचा हुकूम चालतो,पण लाल चौकात तिरंगा फडकवणे हा गुन्हा ठरला.याला काय म्हणावे,असे शिवसेनेने म्हटले आहे.हा भाजपचा झालेला पराभव आहे, अशी खरमरीत टीका शिवसेना नेते खासदार संजय राऊत यांनी केली आहे. काश्मीर येथेच तिरंग्याचा अपमान होतो.तेथील अनुच्छेद ३७० हटवले आहे.तरीही तेथे बदल काय झालेला दिसत नाही? हिंदुत्वाचा संबंध राष्ट्रीयत्वाशी येतो. एखाद्या भूमीवर तिरंगा फडकवण्यास बंदी आहे याचा सरळसोट अर्थ असा की,त्या भूमीचे आम्ही मालक नाही!त्या भूमीवर दुसऱ्याच कुणाचा तरी हुकूम चालत आहे.ते हुकूमबाज एकतर दहशतवादी आहेत अथवा परके आहेत. मुंबईत आजही तिरंगा फडकत आहे.म्हणजे हा भाग पाकड्यांचा नाही.जेथे पाकड्य...

भिवंडी: भाजपाचे कार्यसम्राट खासदार कपिल पाटील यांच्या प्रयत्नाने भिवंडी लोकसभा मतदारसंघात सुमारे ४० कोटी रुपयांची रस्त्यांची कामे मंजूर झाली आहेत.मुख्यमंत्री ग्रामसडक योजनेतून २३ रस्त्यांची कामे मंजूर करण्यासाठी खासदार कपिल पाटील यांच्याकडून तत्कालीन मुख्यमंत्री देवेंद्र फडणवीस यांच्याकडे विनंती करण्यात आली होती.२०१८-१९ मध्ये मंजूर झालेल्या सर्व कामांची निविदा प्रक्रिया आठवडाभरात सुरू होणार असून मे महिन्याच्या अखेरपर्यंत रस्त्यांची कामे पूर्ण होऊन पावसाळ्याआधी ग्रामस्थांना चांगल्या रस्त्यांवरून प्रवास करता येणार आहे. या रस्त्यांच्या कामांसाठी खासदार कपिल पाटील यांनी २०१८ मध्ये तत्कालीन मुख्यमंत्री देवेंद्र फडणवीस यांच्याकडे मागणी केली होती.त्याचबरोबर तत्कालीन ग्रामविकास मंत्री पंकजा मुंडे, पालकमंत्री एकनाथ शिंदे यांच्याकडे पाठपुरावा केला होता.खासदार कपिल पाटील यांची २३ रस्त्यांची मागणी शासनाने मान्य केल्यामुळे आता ग्रामस्थांना दिलासा मिळणार आहे.  भिवंडी तालुक्यातील पडघा बायपास रस्त्यासाठी ३ कोटी ७५ लाख, राज्य मार्ग ८१ (देवळी) ते हरीपाडा रस्त्यासाठी १ कोटी ७३ लाख, राज्य मार्ग ८२ (का...

भिवंडी : महाराष्ट्र प्रदेश काँग्रेसने भिवंडी शहर जिल्हाध्यक्ष पदावर तब्बल नऊ वर्षांपासून कार्यरत असलेले शोऐब गुड्डू यांची शहर जिल्हा अध्यक्ष पदावरून अचानक उचलबांगडी करून प्रभारी अध्यक्ष म्हणून माजी आमदार ऍड. रशीद ताहीर मोमीन यांची नियुक्ती केली आहे.मात्र काँग्रेसच्या या अंतर्गत कारवाईने शहर काँग्रेस वर्तुळात मोठी खळबळ माजली असून त्याचे तीव्र पडसाद म्हणून भिवंडी शहर  महानगरपालिकेच्या कॉग्रेस नगरसेवकांसह पदाधिकाऱ्यांनी रशीद ताहीर मोमीन यांच्या प्रभारी अध्यक्षपदाच्या नियुक्तीस कडाडून विरोध केला असून त्याविरोधात बंड पुकारले आहे. भिवंडी महानगरपालिकेत सध्या काँग्रेसचे ४७ नगरसेवक असून त्यापैकी १८ नगरसेवकांनी डिसेंबर २०१९ मधील महापौर निवडणुकीत काँग्रेस उमेदवाराविरोधात मतदान करून बंडखोरी केली होती .त्यानंतर प्रदेश काँग्रेसने भिवंडी शहरातील या घटनेची गांभीर्याने दखल घेवून शोऐब गुड्डू यांची पदावरून उचल बांगडी केल्याचे सांगण्यात येत आहे.मात्र शोऐब गुड्डू यांची २०१२ मध्ये शहर काँग्रेस पदावर नियुक्ती केल्यापासून महानगरपालिका सभागृहात काँग्रेस पक्षाचे संख्याबळ वाढविण्यात महत्वाची भूमिका बजावली आह...

 मुरबाड : मुरबाडमधील तालुका शेतकरी सहकारी संघाच्या व्हॉईस चेअरमन पदी काँग्रेस पक्षाच्या सुरेखा अशोक फनाडे यांची आज बुधवारी बिनविरोध निवड करण्यात आली.  यापूर्वीचे व्हॉईस चेअरमन जगन्नाथ घुडे यांचा कालावधी संपल्याने त्यांनी  राजीनामा दिला.   चेअरमन जगन्नाथ घुडे यांनी राजीनामा दिल्याने ही निवडणूक झाली.  माजी आमदार गोटिरामभाऊ पवार यांनी संचालकांना दिलेल्या सल्ल्यानुसार ही निवड करण्यात आली सुरेखा फनाडे यांची निवड झाल्या बद्दल मुरबाड पंचायत समितीचे माजी उपसभापती अनिल देसले ,  चेअरमन प्रकाश पवार , माजी चेअरमन रामभाऊ दळवी आदिंसह विविध कार्यकर्त्यांनी त्यांचे अभिनंदन केले

भिवंडी: तालुक्यातील गोदाम पट्टामध्ये नावारुपाला आलेली माणकोली ग्रामपंचायतीची उपसरपंच पदाची निवडणुक बिनविरोध पार पडली.सरपंच हर्षदा अरविंद माळी यांच्या अध्यक्षतेखाली सुनिल केणी यांची उपसरपंच पदावर बिनविरोध निवड करण्यात आली.यावेळी उपसरपंच निवडीमध्ये मा.सरपंच सुनिल‌ माळी,मा.सरपंच कल्पना भोईर,मा.उपसरपंच चंदु माळी समवेत इतर सदस्यांनी सहभाग घेतला. यावेळी दयानंद माळी,प्रभाकर म्हात्रे,करसन केणी,रविकांत पाटील,गुरूनाथ माळी,अरविंद माळी,रुपचंद ब.माळी,सुंदर माळी,चंद्रकांत केणी इत्यादीनी उपस्थित राहुन उपसरपंच सुनिल केणी यांचे अभिनंदन करुन पुढील वाटचालीस शुभेच्छा दिल्या आहेत.नवनिर्वाचित उपसरपंच सुनिल केणी यांनी सर्व मतदार बंधु भगिनी व ग्रामपंचायत कमिटीचे आभार मानत गावाच्या विकासासाठी जोमाने कार्य करु तसेच गावातील पाणी,आरोग्य,रोड रस्ते गटार या सर्व मुलभुत सुविधा ग्रामस्थांना पुरविण्यात आम्ही कटीबध्द राहु असे मनोगत देखील व्यक्त केले.

मूबंई-आग्रा महामार्गावरील खर्डी नाक्यावर एस.टी.महामंडळाची सवा एकर जमीन असून त्यावर गेल्या २५ वर्षीपूर्वी उपहारगृह व बस थांबा सुरु करण्यात आला होता परंतु गेल्या ४ वर्षापासून येथील बसथांबा व उपहारगृह परिवहन विभागाने बंद केल्याने, बाहेर गावावरून  येणाऱ्या-जाणारया बस सद्या येथे थांबत नाहीत त्यामुळे येथील प्रवाश्याना जीव धोक्यात घालून मिळेल त्या वाहनाने प्रवास करावा लागत आहे.परिवहन विभागाने येथे व्यापारी संकुल किवा पेट्रोल पंप सुरु करावा जेणें करून येथील स्थानिक बेरोजगार तरुणाना रोजगार उपलब्ध होऊन बसही थाबतील त्यामुळे स्थानिक प्रवाश्याना प्रवास करणे सूखकर होईल. मूबंई-आग्रा महामार्गालगत खडीं नाक्यावर एसटी महामंडळाने दहा वर्ष बंद असलेले एसटीचे उपहारगृह गेल्या चार वर्षापूर्वी ठेकेदारामार्फत नुतनीकरण करून सूरू  करण्यात आले होते.त्यावेळी येथे बाहेर गावावरून  येणारया-जाणारया १०८ बस येथे थांबतील असे पत्र संबंधीत ठेकेदाराला एसटी महामंडळाने दिले होते.या बसथाब्यामूळे खडीं परीसरातील प्रवाशाना बाहेरगावी येण्या-जाण्याची  सोय होणार होती.परंतु येथे सध्या  एकही बस थांबत नसल्याने प्र...

खालापूर: परतीच्या पावसाने महाराष्ट्रात अनेक ठिकाणी हाहाकार माजवला आहे , खालापूर तालुक्यातील अनेक महसूल गावे परतीच्या पावसाने नुकसान ग्रस्त झाली आहेत.ऑक्टोबर महिन्यात झालेल्या परतीच्या पावसाने , हातातोंडाशी आलेला शेतकऱ्यांचा घास हिरावून घेतला आहे. तहसीलदार साहेब यांनी शेतीचे संयुक्त पंचनामे करण्याचे आदेश संबंधित अधिकारी वर्गाला दिले असून त्या बाबत सविस्तर पंचनामे तालुक्यात सुरू आहे. याआधी निसर्ग चक्री वादळाने तालुक्यात  नुकसान झाले होते , त्याची नुकसान भरपाई शेतकऱ्यांना वेळेवर मिळाली , त्याचप्रमाणे ही नुकसान भरपाई सुध्दा मिळावी ही मागणी शेतकरी बांधव करत आहेत. तरी सुद्धा सरकार कधी योग्य ती मदत करेल ह्याच कारणे शेतकरी वर्ग हवालदिल झाला आहे.

सरळगांव:  विद्यूत मंडळाच्या वतीने आयोजित केलेला ग्राहक मेळावा शिवळे येथे  संपन्न झाला. प्रलंबित कामे आठ दिवसांत पुर्ण करण्याचे आश्वासन देण्यात आले . विद्यूत ग्राहकांच्या अडीअडचणी गावात जाऊन समजून  घेऊन त्या अडीअडचणी तातडीने सोडवता याव्यात त्या साठी आज शिवळे येथील शिवमंदीराच्या प्रांगणात ग्राहक मेळाव्याचे आयोजन केले होते. वाढीव विद्यूत बील येणे हे नित्याचे झाल्याने या ग्राहक मेळाव्याला विद्यूत ग्राहकांनी मोठी गर्दी केली होती. या मेळाव्यात वाढीव बील, जूने व जिर्ण झालेले विद्यूत पोल, बंद व फॉल्टी मिटर ,वारंवार खंडीत होणारा विज पुरवठा या विषयांवर गर्मा गर्म  चर्चा झाली. या वेळी मुरबाड कार्यालयाचे अधिकारी सुरेश सुराडकर , सरळगाव विभागाचे अधिकारी राजेंद्र  शिर्के, मनिष पाटील, शिवळे ग्रामपंचायतीच्या सरपंच सौ.रेखा ईसामे,माजी सरपंच मनोहर ईसामे, महेश बांगर, लक्ष्मण खोंळबे, दिपक गायकवाड,धनाजी दळवी सर, कृष्णा ईसामे ,  व मोठ्या संख्येने ग्राहक व विद्यूत कर्मचारी  उपस्थीत होते. लॉकडाऊन मुळे विद्यूत मिटरचे पैसे भरूनही मिटर देता आले नाही तर या ग्राहकांना या ठिकाण...

भिवंडी:  शहरातील कणेरी परिसरात राहणारे डॉ.शिरीष यशवंत ताम्हाणे (७३)यांचे अल्पशः आजाराने ठाणे येथील खाजगी रुग्णालयात उपचार सुरू असताना मंगळवारी सकाळी दुःखद निधन झालेआहे.त्यांच्या निधनाची वार्ता समजताच शहरात हळहळ व्यक्त केली जात आहे त्यांच्या पश्चात पत्नी ,एक मुलगी ,जावई ,नातवंडे असा परिवार आहे. डॉ. ताम्हाणे हे नामांकित सर्जन म्हणून गेल्या अनेक वर्षांपासून भिवंडी वैद्यकीय सेवा करीत होते.येथील कुंभारवाडा येथे त्यांचे हॉस्पिटल होते तसेच अनेक वर्ष त्यांनी आफ्रिकेमध्ये सुद्धा वैद्यकीय सेवा बजावली होती.गेल्या काही दिवसापासून ते आजारी होते त्यांच्यावर ठाणे येथील खाजगी रुग्णालयात उपचार सुरु होते मात्र सकाळी त्यांच्यावर उपचार सुरू असताना निधन झाले त्यामुळे शहरात हळहळ व्यक्त केली जात आहे.ठाणे येथील स्मशानभूमीत त्यांच्यावर दुपारी शोकाकूल वातावरणात अंत्यसंस्कार करण्यात आले.

वासिंद: एकाच रात्रीत वासिंद शहरामधील आठ दुकाने फोडून चोरट्यांनी चोरी करून  खळबळ उडवून दिली आहे. मंगळवारी रात्री वासिंद पुर्वेकडील दोन तर पश्चिमेकडील सहा दुकाने फोडण्यात आली आहेत. यामध्ये आपले सरकार सेवा केंद्र मधील ६० हजार रूपयांचे दोन लॅपटॉप चोरी झाले, समर्थ कृपा जनरल स्टोअर्स, समर्थ कृपा मेडिकल, श्री समर्थ कृपा कलेक्शन, आनंद मेडिकल, ९० डिग्री केक शॉप, हरीओम सुपर मार्केट अशी चोरी झालेल्या दुकानांची नावे आहेत. याबाबत दुकानमालकांनी वासिंद पेलिस स्थानकात तक्रार दाखल केली आहे. दरम्यान, चोरीच्या वाढत्या घटनांमुळे वासिंद व्यापारी मंडळाच्या वतीने वासिंद पोलिस स्थानकात चोरट्यांचा बंदोबस्त होण्याबाबत ठोस व कायमस्वरूपी उपाययोजना करण्यासंबंधी निवेदन देण्यात आले.  यामध्ये यापुर्वी झालेल्या चो-यामध्ये चोरी करणारे बालगुन्हेगार होते ते सुटून जातात त्यांच्यावर ठोस उपाययोजना करणे, विना नंबरप्लेटच्या मोटारसायकल, गाड्यांची तपासणी करणे व कडक कारवाई करणे, वासिंदच्या एंट्री पॉईंटला रात्री १२ नंतर येणा-या - जाणा-या गाड्यांची  तपासणी करणे आदी मागण्या निवेदनात नमुद करण्यात आल्या आहेत. सीसीटीव्ह...

भिवंडी: शहर जिल्हा राष्ट्रवादीचे  उपाध्यक्ष जावेद फारुकी, पदाधिकारी ईवाद नोमानी व हारुन खान यांच्यावर जिल्हा अध्यक्ष भगवान टावरे यांनी केलेली निलंबनाची कारवाई पक्षाच्या दृष्टीने  असंवैधानिक व पक्षाच्या नियमाला धरून नसल्याचे सांगत राष्ट्रवादीच्या शिस्त पालन समितीचे सदस्य तथा प्रदेश सरचिणीस  माजी मंत्री नसीम सिद्दीकी यांनी  तिघा पदाधिकाऱ्यांचे निलंबन रद्द केले आहे.यामुळे भिवंडीतील राष्ट्रवादी पदाधिकाऱ्यांमध्ये अंतर्गत वाद असल्याचे समोर आले आहे.विशेष म्हणजे काही दिवसापूर्वीच भिवंडी शहरजिल्हा राष्ट्रवादी अध्यक्ष भगवान टावरे यांनी तिन्ही पदाधिकाऱ्यानी पक्ष विरोधी भूमिका व पक्षाच्या नियमाचे पालन केले असल्याचा आरोप करीत पक्षाच्या पदावरून तिघांना निलंबित केल्याचे एका पत्रकार परिषदेत जाहीर केले होते. यावर निलंबन मागे घेण्यासाठी जावेद फारुकी, हारुन खान यांनी महाराष्ट्र प्रदेश सरचिटणीस व भिवंडी निरीक्षक माजी मंत्री नसीम सिद्दीकी यांच्याकडे धाव घेत अध्यक्ष भगवान टावरे यांनी केलेले निलंबन हे पक्षाच्या नियमानुसार नसल्याचे सांगत त्यांच्याकडे लेखी तक्रार दिली. या तक्रारीची गंभीरतेन...

मुरबाड : नगरपंचायत नागरिकांना ओला सुका कचरा घंटगाडीत वेगळा टाकण्याचे आवाहान नागरिकांना करते मात्र नगरपंचायत तोच कचरा एकत्र वनविभागाच्या खरब्याची वाडी येथिल  जागेत टाकुन मुरबाडकरांना गंडवत आहे. त्या कचऱ्या मध्ये बंदी असलेल्या प्लास्टिक पिशव्यांचाही मोठया प्रमाणात समावेश आहे.विशेष बाब म्हणजे तिथे कचऱ्यामुळे  जनावरांचाही वावर वाढला आहे.  हा प्लास्टीक मिश्रीत कचरा  खाल्यामुळे  त्यांच्याही जिवाला धोका निर्माण झाला आहे.आता या सर्वाना जबाबदार कोण,स्वच्छते मध्ये क्रमांक प्राप्त करणारी मुरबाड नगरपंचायत की, इतर वेळी आपल्या जागे बाबत दक्ष असणारी  मात्र यावेळी गप्प असणारे वनविभाग  असा प्रश्न मुरबाडकर विचारत आहेत .

उल्हासनगर: ओमी कालानी,काँग्रेस,राष्ट्रवादी,रिपाइं आठवले व पिआरपी ला सोबत घेऊन शिवसेनेने उल्हासनगर महानगरपालिकेत महाविकास आघाडी तयार करून अवघ्या अडीच वर्षात भाजपला सत्तेतून पायउतार केले होते.तेंव्हा दिलेल्या आश्वासना नुसार राष्ट्रवादीचे भारत गंगोत्री यांना सभागृहनेते व काँग्रेसच्या अंजली साळवे यांना प्रभाग सभापती पद देऊन शिवसेनेच्या वतीने आश्वासनाची पूर्तता करण्यात आली आहे. अंजली साळवे यांचा निवडून येण्याचा दुसरा टर्म असून त्यांना प्रभाग समिती ४ च्या सभापती पदाची उमेदवारी देण्यात आली होती.त्यात त्या बिनविरोध निवडून आल्या आहेत.भारत गंगोत्री हे स्थायी समिती सदस्य असून त्यांना प्रतिष्ठित असे  सभागृहनेते पद देण्यात आले आहे.यापूर्वी या पदावर राजेंद्र चौधरी होते.राज्य पातळीवर व उल्हासनगरात शिवसेना-राष्ट्रवादी व काँग्रेस यांची महाविकास आघाडी असून तिन्ही पक्षांच्या वरिष्ठ नेत्यांच्या मार्गदर्शनाखाली सकारात्मक निर्णय घेण्यात येत आहेत.शिवसेना हा दिलेला शब्द पाळणारा पक्ष असून त्यामुळे प्रथमच महत्वाच्या पदावर विराजमान होण्याची संधी मिळाली अशी प्रतिक्रिया भारत गंगोत्री,अंजली साळवे यांनी व्यक्त क...

पेण:  " मी खासदार, पालकमंत्री किंवा अन्य कोणाच्याही राजकीय दबावाला बळी पडून कोणतीही तक्रार केली नसून माझ्यावर ओढवलेल्या घटनेमुळे तक्रार केली आहे. १६ ऑक्टोबर रोजी पेण नगराध्यक्षा यांच्या दालनात झालेल्या स्थायी समितीच्या बैठकीत अनधिकृत बांधकामाच्या मुद्यांवरून संबधिताना नोटीस न बजावल्याने गटनेते यांनी आक्रमक होऊन जो प्रकार केला त्या विरोधात तक्रार दाखल केली आहे.    पेण नरदास चाळ परीसरात २०१८ साली अनधिकृत इमारत बांधण्यात आली होती. त्यातील सांडपाणी सार्वजनिक ठिकाणी येत होता. याबाबत १२ व १६ ऑक्टोबरच्या मिटिंग मध्येही विषय पटलावर होता. अनधिकृत बांधकामाच्या गटार बांधण्याच्या कामाबाबत जिल्हाधिकारी व शासनाच्या निर्देशनानुसार कारवाई करण्यात येणार होती. सर्व प्रोसिजर पूर्ण झाल्यानंतर संबधितांना नोटिस काढण्यात येणार होती.    याबाबत मी आमच्या मुख्याधिकारी संघटनेला कळविले आहे. तसेच पोलिस ठाण्यात तक्रार दाखल केली आहे. तसेच मी प्रोसिडिंगमध्ये कोणताही बदल केला नसून मला प्रोसिडिंग वाचून दाखविल्या नंतर आवश्यक तेथे बदल केला आहे. मी कोणाच्याही दबावामुळे तक्रार केली नाही.'असे पेण मुख...

पडघा:   भिंवडी तालुक्यातील नऊ गावामध्ये विस्तार असलेल्या व ७५१ सभासद संख्या असलेल्या कोशिंबी गृप विवीध कार्यकारी शेतकरी सेवा सहकारी सोसायटीचे सभापतीपदी राहुर येथील अरुण गोरले यांची बिनविरोध निवड झाल्याने सर्वत्र त्यांचे अभिनंदन होत आहे.  मावळते सभापती मनोहर ठाकरे यांनी राजीनामा दिल्याने हे पद रिक्त होते त्यानुसार निवडणुक निर्णय अधीकारी रंजना वळवी यांच्या अध्यक्षतेखाली पडघा येथील संस्थेच्या कार्यालयात विशेष सभेचे आयोजन करण्यात आले होते यावेळी सभापती पदासाठी अरुण गोरले यांचा एकमेव अर्ज आल्याने त्यांची सभापती निवड झाल्याचे घोषित करण्यात आले.  यावेळी संचालक विष्णु पाटील, लक्ष्मण गोष्टे, बबन पाटील, गुरूनाथ फाफे, भगवान ठाकरे, मनोहर ठाकरे, सुनील ठाकरे, शंकर ठाकरे, विणा पाटील, किशोरी मुसळे, दत्तात्रय शिंदे, सचीव आदेश जाधव, उपस्थीत होते. तर त्यांची निवड होताच शिवसेना संपर्क प्रमुख विष्णु चंदे जिल्हा परिषद बांधकाम व आरोग्य माजी सभापती व विद्यमान सदस्य वैशाली चंदे, संतोष जाधव आमणेपाडा, संतोष फाफे, हरीश्चंद्र बरफ, अनील सुरुम, रोशनी शेलार यांनी त्यांचे अभिनंदन केले.

बदलापूर : रस्ते रूंदीकरण आणि कॉक्रीटीकरण करत असताना फुटणाऱ्या जलवाहिन्या, वीज वाहिन्यांचा आणि खांबांचा अडथळा, काम पूर्ण झाल्यानंतर इतर वाहिन्यांना टाकण्यासाठी करावे लागणारे खोदकाम यामुळे कायम अडथळे बनलेल्या रस्तेकामात सुसुत्रता आणण्यासाठी या सर्व यंत्रणांची संयुक्त सभा अलीकडेच बदलापूर पालिकेच्या सभागृहात पार पडली. यावेळी सर्व विभागणी (खात्यांनी) एकमेकांशी समन्वय साधूनच रस्ते काम करण्याची महत्वपूर्ण सूचना सर्वपक्षिय लोकप्रतिनिधींनी अधिकाऱ्यांना केली.  रस्ते रूंदीकरणामुळे आणि कॉंक्रिटीकरणामुळे शहरवासियांचा प्रवास सुखकर आणि जलद होत असला तरी या कामांमध्ये प्रशासकीय यंत्रणांचा एकमेकांशी समन्वय नसल्यामुळे अनेकदा रस्ते काम सुरू असताना नागरिकांना प्रचंड त्रासाला सामोरे जावे लागते. रस्त्याच्या कामासाठी खोदकाम सुरू असताना जलवाहिन्या फुटून त्यातून लाखो लीटर पाणी वाया जात असते. त्याचसोबत अनेकदा विद्युत वाहिन्या तुटल्याने परिसराच्या वीज पुरवठ्यावर त्याचा परिणाम होत असतो. रस्ते काम पूर्ण झाल्यानंतर पुन्हा एखाद्या नव्या प्रकल्पासाठी वाहिन्या टाकत असताना नव्याने तयार केलेला रस्ता खोदावा लागतो. त्य...

कसारा : राज्य शासनाने खावटी अनुदान योजना मंजूर केल्याची घोषणा करून दोन महिन्याचा कालावधी उलटला आहे .अद्याप पर्यत खावटी योजनेची अंमलबजावणी करण्यात आलेली नाही. यामुळे आदिवासीना विविध समस्यांचा सामना करावा लागतोय  कोरोनाचे संकट असतानाच अवकाळी पावसाने शेतीची मोठं नुकसान झाले आहे  यामुळे आदिवासी शेतकरी देशोधडीला लागला आहे. त्यातच जव्हार मोखाडयात  कुपोषण भूकबळी ही ह्या समस्या भयंकर असून कुपोषनाने डोकं वर काढल आहे. यामुळे सरकारने गंभीरतेने दखल घेऊन खावटी अनुदान योजनेचीसाठी कोणत्याही अटी शर्ती न ठेवतात आदिवासींना सरसकट लाभ घ्यावा अशी मागणी पंचायत समिती सदस्य प्रदीप वाघ यांनी निवेदनाद्वारे  मुख्यमंत्र्यांकडे केली आहे.आदिवासी कुटूंबाना तात्काळ खावटी अनुदान योजनेचे लाभ द्या 

‘छलांग’च्या निर्मात्यांनी नुकताच या चित्रपटाचा ट्रेलर प्रदर्शित केला असून आपल्या अनोख्या कथेने त्याने खळबळ उडवून दिली आहे. हा चित्रपट उत्तर भारतातील एका शाळेतील पीटी टीचरच्या आनंददायक परंतु प्रेरणादायक प्रवासाबद्दल आहे. मोन्टू (राजकुमार राव) एक टिपिकल पीटी टीचर आहे, मात्र ही त्याच्यासाठी केवळ नोकरी आहे. मात्र एका वळणावर, मॉन्टूच्या आयुष्यात नीलू (नुसरत भरुचा) ची एन्ट्री होते आणि त्यामुळे मोन्टूला कधीही न केलेले काम करायला भाग पाडले जाते, ते म्हणजे शिकवणे. अजय देवगनने आपल्या बालपणातील काही खास आठवणींना उजाळा देताना सांगितले की, "माझ्या अशा काही खास आठवणी नाहीत, मात्र जेव्हा आम्ही शाळेत जात होतो तेव्हा आमच्याकडे आजच्या मुलांसारखे गॅजेट्स नव्हते. आमचे मनोरंजन फिजीकल असायचे, जे मी आजच्या काळातील मुलांमध्ये मिस करतो. मी प्रत्येक वेळी बाहेर मैदानी खेळ खेळण्यासाठी त्यांच्या मागे  लागलेला असतो कारण कॉम्प्युटर आणि इतर गॅजेट्सवर खेळण्यापेक्षा त्यांनी बाहेर खेळणे खूप महत्त्वाचे आहे, असे मला वाटते." तो पुढे म्हणतो की, “फिजिकल एक्टिविटी हेच केवळ आमच्या मनोरंजनाचे साधन होते, आणि त्यामुळेच ...

डोंबिवली :   आमदार राजू पाटील यांच्या मार्गदर्शनाखाली शासन कृत आयुष्यमान भारत योजना व महात्मा ज्योतिबा फुले जन आरोग्य योजना कार्ड चे वाटप निळ्जे पाडा घेसर येथे आयोजित करण्यात आले होते. आयुष्मान भारत जन आरोग्य योजना मध्ये दहा लाखांपर्यंत वैद्यकीय उपचार मोफत तर महात्मा ज्योतिबा फुले जन आरोग्य योजने मध्ये पाच लाखांपर्यंत वैद्यकीय उपचार मोफत करून देण्याचा संकल्प आयोजक तथा मनसे विभाग अध्यक्ष रोहित गुलाब भोईर आणि मनसे शाखा अध्यक्ष साईनाथ वामन भोईर यांनी केला आहे. कारोना काळामध्ये नागरिकांच्या आरोग्याची काळजी घेत सोशल डिस्टंसिंग चा वापर करीत योजना कार्डचे वाटप करण्यात आले. या योजनेचा गावातील सर्व नागरिकांनी लाभ घेतला. आमच्या गावातील रुग्णांची पैशाअभावी हेळसांड होऊ नये. पैशाअभावी आमच्या गावकऱ्यांचा जीव धोक्यात जाऊ नये म्हणून आम्ही हा उपक्रम राबवत आहोत अशी स्पष्टोक्ती रोहित उर्फ रोहिदास गुलाब भोईर यांनी केली.  यावेळी उपशाखा अध्यक्ष नितेश सखाराम भोईर, संजय गुलाब भोईर, आदित्य हेमंत भोईर, आदेश कैलास भोईर , कृषी उत्पन्न बाजार समिती संचालक गजानन पाटील, नगरसेवक प्रभाकर जाधव , समाजसेवक हेमंत ...

ठाणे : भाजपा ठाणे शहर जिल्हा द्वारे आयोजित केलेल्या युवती व महिलांसाठी नवरात्री स्पर्धा २०२० चा पारितोषिक वितरण समारंभ आज सकाळी खोपट ऑफिस, ठाणे येथे आमदार ॲड. निरंजनजी डावखरे, अध्यक्ष, ठाणे भाजपा शहर आणि प्रदेश सचिव ॲड. संदीपजी लेले,उपाध्यक्ष सचिन मोरे,नगरसेविका मृणाल पेंडसे,नगरसेविका दीपा गावंड,कैलास जी म्हात्रे (सरचिटणीस ठाणे शहर) स्वप्नली साळवी, मत्स्यगंधा पवार, स्नेहा शिंदे, विद्या कदम, इंदिरा पटेल, सारंग मेढेकर यांच्या हस्ते संपन्न झाला. यामध्ये नवरात्री सजावट (देवीचा मखर/ आरास) स्पर्धा, पारंपरिक वेशभूषा स्पर्धा, देवीला साकडे लेखन स्पर्धा, सामाजिक विषयांवर पोस्टर मेकिंग इत्यादी स्पर्धांचा समावेश होता.  युवती आणि महिलांसाठी असलेल्या या कल्पक स्पर्धेस तसेच पारितोषिक वितरण समारंभास अत्यंत उत्तम प्रतिसाद लाभला. याप्रसंगी नागरिक, भाजपा कार्यकर्ते, पदाधिकारी उपस्थित होते.

ठाणे :  गुन्हे अन्वेषण शाखेनं बिबळ्याचं कातडं विकण्यासाठी आलेल्या दोघांना जेरबंद केलं आहे. ठाण्यामध्ये सिडको बस स्टॉप जवळ दोन जण बिबळ्याचं कातडं विकण्यासाठी येणार असल्याची माहिती गुन्हे अन्वेषण शाखेला मिळाली होती. त्यानुसार गुन्हे अन्वेषण शाखेच्या पोलीसांनी सिडको बस स्टॉपजवळ पाळत ठेवली होती. ठरलेल्या वेळी दोन व्यक्ती एक बॅग घेऊन येताना त्यांना दिसल्या.  पोलीसांनी थांबवून त्यांची चौकशी केली आणि बॅगची तपासणी केली असता या बॅगेमध्ये एक बिबळ्याचं कातडं पोलीसांना आढळलं. वन विभागाच्या अधिका-यांनीही हे बिबळ्याचंच कातडं असल्याचं स्पष्ट केलं. सचिन भोसले आणि शहाजी दांडे हे दोघे पुण्यातील भोसरीचे रहिवासी असून काळ्या बाजारात या बिबळ्याच्या कातड्याची किंमत १० लाख रूपये असल्याचं सांगितलं जातं. पोलीसांनी वन्य जीव संरक्षण कायद्यानुसार कारवाई केली असून हे कातडं नक्की कुठून आणलं याची माहिती मात्र अद्याप या दोघांनी पोलीसांना दिलेली नाही. पोलीस याप्रकरणी अधिक शोध घेत आहेत.

मुरबाड:   गेल्या काही महिन्यांपासून मुरबाड औद्योगिक क्षेत्रातील कंपनी मालकांची मनमानी वाढली असुन त्याचा फटका स्थानिक कामगारांना बसत असुन, अचानक पणे कुठलीही पुर्वसुचना न देता धानिवली येथील पाँवर प्लान बंद करून ६०कामगारांना तडकाफडकी कामावरून काढून टाकल्याच्या निषेधार्थ आज  सिटु संघटनेच्या वतीने आपल्या विविध मागण्यांसाठी तिनहात नाका ते तहसीलदार कार्यालय असा मोर्चा काढून धडक देण्यात आली. यावेळी या मोर्चात सुमारे दोनशे ते अडीचशे कामगार सहभागी झाले होते.कोरोना संकट असल्यामुळे पोलीस प्रशासनाने सुचवलेल्या नियमांचे पालन करत मोर्चा तहसीलदार कार्यालयावर पोहचल्यावर संघटनेचे प्रतिनिधी यांनी उपस्थित कामगारांना मार्गदर्शन करत ,धानिवली येथील पाँवर प्लान मधील कामगारांना  त्वरित कामावर घेण्यात यावे. फ्युज्यो ग्लास कंपनीची थांबवलेली पगार वाढ करून कंपनी बाहेर असलेल्या कामावर घेण्यात यावे.अँरोफार्मा कंपनी सुरू करण्यात यावी. मुरबाड औद्योगिक क्षेत्रातील कंत्राटी पद्धत बंद करावी.कामगारांच्या न्याय हक्कासाठी लढणाऱ्या कामगारांच्या पसंतीच्या युनियन सोबत चर्चा करून कामगारांचे प्रश्न सोडवण्यासाठी कंप...

 मनसे विद्यार्थीसेना शहर अध्यक्ष देवेंद्र जाधव यांची मुरबाड नगरपंचायतीकडे मागणी  मुरबाड : सध्या कोरोनाच्या कालावधीत मुरबाड शहरात व बाजारपेठेत चोऱ्यांचे  सत्र मोठ्या प्रमाणात सुरू झाले आहे.  दिवसेंदिवस मुरबाड बाजारपेठेत चोरांनी मोठ्या प्रमाणात  धुमाकूळ व धुडगूस घातला आहे. या चोरांना पकडण्यात मात्र मुरबाड  पोलिसांना अपयश येत आहे. कोरोनाच्या पार्श्वभूमीवर कमीत- कमी गर्दी करून मुरबाड शहरवासियांनी  कोरोनावर नियंत्रण आणले असले तरी 'चोऱ्या' नावाचा कोरोना आता मुरबाडकरांच्या  मानगुटीवर येऊन बसला आहे.  रात्रीच्या  कमी गर्दीचा फायदा घेऊन  काही भुरटे व मस्तवाल चोर रात्रीच्या वेळी राजरोसपणे  दुकाने  फोडून चोऱ्या करत आहेत. त्यामुळे अनेक दुकानदारांचे मोठ्या प्रमाणात नुकसान होत आहे.  ही समस्या तात्काळ सोडविण्यासाठी मनसे विद्यार्थीसेनेचे मुरबाड शहर अध्यक्ष देवेंद्र जाधव  यांनी नुकतच मुरबाड  नगरपंचायतीच्या मुख्याधिकारी  कंकाळ यांना निवेदन देऊन मुरबाड शहरात   होणाऱ्या चोऱ्यांचे सत्र कमी करण्यासाठी  तात्काळ सीसी...

मोहोने:  वडवली रेल्वे फाटकाच्या दुर्तफा दररोज वाहतूक कोंडी होतअसल्याने नागरीक कमालीचे त्रस्त झाले आहेत. शहाड मोहोने  या मार्गावरून वाहनाने प्रवास करणाऱ्या प्रवाशांचा वाहतुक कोंडीमुळे मोठ्या प्रमाणात खोळंबा होत असल्याने नागरिकांना प्रचंड मनस्ताप सहनकरावा लागत आहे. याबाबत ठोस उपाययोजना करीत वाहतुक कोंडीतून वाहनाने प्रवास करणाऱ्या प्रवाशांना दैनंदिन वाहतूककोंडीचा सामना करावा लागू नये म्हणून कल्याण ग्रामीणचे ग्राहक संरक्षक कक्षाचे तालुका प्रमुख कल्याण विजय देशेकर यांनी  कल्याण वाहतूक विभाग, खडकपाडा पोलिस स्टेशन आणि  कल्याण पश्चिमचे आमदार विश्वनाथ भोईर यांना निवेदन देत नागरिकांची वाहतूक कोंडीतून सुटका होण्यासाठी साकडे घातले आहे.  कोरोनापार्श्वभूमीवर रुग्णवाहिका अत्यावश्यक सेवेतील कर्मचारी, व्यापारी तसेच कामधंद्यानिमित्ताने  चारचाकी, दुचाकी, रिक्क्षा, बसेस या वाहानांनी प्रवास करणाऱ्या प्रवाशांना मध्यरेल्वेच्या अंबिवली व शहाड रेल्वे स्थानकादरम्यान असलेले वडवली रेल्वे क्राँसिंगगेट नं ४७ या फाटकामुळे होणाऱ्या वाहतुक कोंडीमुळे रेल्वे फाटकांच्या दुर्तफा वाहनांच्या नेह...

वज्रेश्वरी: आज सर्व जग कोरोना मुळे त्रस्त  आहे आणि देश- विदेशात कोरोनाच्या कहर अजूनही कायम आहे. रिकव्हरी रेट किंवा रुग्ण बरा होण्याचा आकडा जरी वाढला असला तरी त्यामुळे बेसावध न होता अधिक काळजी घेणे गरजेचे आहे. नियमांची केलेली शिथिलता आणि नागरिकांचा बेसावधपणा यामुळे आज युरोपियन देशांवर कोरोनाच्या दुसऱ्या लाटेचे संकट पुन्हा घोंगावू लागले आहे. कोरोना वर अजूनही लस आलेली नाही अश्या परिस्थितीत कोरोनाचा कहर कमी व्हावा यासाठी महाराष्ट्र शासन खबरदारी घेत असताना स्थानिक पातळीवर मात्र उलट चित्र बघायला मिळाले. वज्रेश्वरीतील मंगळवारच्या आठवडा बाजारात पंचक्रोशीतील नागरिक आपल्या आठवडाभर लागणाऱ्या जीवनावश्यक वस्तूंची खरेदी करत असतात. वज्रेश्वरी परिसरात भरणार हा एकमेव बाजार असल्या कारणाने दर मंगळवारी बाजारात माणसांची गर्दी होत असते. कोरोना काळात शासनाच्या आदेशानुसार आतापर्यंत हा बाजार बंद होता परंतु आज मात्र वज्रेश्वरी ग्रामपंचायत समोर हा बाजार पुन्हा भरला आणि स्थानिकांनी खरेदीसाठी एकच झुंबड केली. काही अपवाद सोडले तर ना कोणाच्या चेहेऱ्यावर मास्क होता की ना कोणी सोशल डीस्टंसिंग पाळताना दिसत होतं. अगद...

  पडघा : रक्ताचा एक थेंबही न सांडता ‘न भूतो ना भविष्यती’ अशी अद्भुत धम्मक्रांती डॉ. बाबासाहेब आंबेडकरांनी जगामध्ये घडवून आणली. या कार्याला उजाळा  देण्यासाठी  अशोका विजयादशमी व ६४ वा धम्मचक्र प्रवर्तन दिन  रविवार २५ ऑक्टोबर  २०२० रोजी सायंकाळी  ६ वाजता भिवंडी तालुक्यातील  समतानगर,पडघा  येथील बुद्ध विहारात  समाज विकास मंडळ , समतानगर व  युवकांच्या वतीने छोटेखानी कार्यक्रम  साजरा करण्यात आला. यावेळी बुद्ध वंदना  घेण्यात आली.कोरोनाच्या संकटामुळे कमी संख्येत  हा कार्यक्रम घेण्यात आला. तथागत गौतम बुद्ध व डॉ. बाबासाहेब आंबेडकर यांच्या प्रतिमांसमोर मेणबत्ती  प्रज्वलीत करून  वंदन करण्यात आले. यावेळी  युवा कवी,पत्रकार मिलिंद जाधव, कमलेश जाधव, भूषण दोंदे, हेमंत दोंदे, गितेश जाधव, मोनेश जाधव, संदेश  जाधव उपस्थित होते.

 पेण: पेण शहर राष्ट्रवादी काँग्रेस पक्षाच्या उपाध्यक्षपदी उद्योजक विशाल बाफना यांची नियुक्ती खासदार सुनील तटकरे व आमदार अनिकेत तटकरे यांच्या उपस्थितीत जाहीर करण्यात आले.  खासदार सुनील तटकरे यांनी मोठ्या विश्वासाने पेण शहर राष्ट्रवादी उपाध्यक्षपदाची जबाबदारी मोठ्या विश्वासाने माझ्यावर सोपवली आहे. तो विश्वास सार्थ ठरवून पेण शहराबरोबरच पेण विधानसभा मतदार संघात पक्ष संघटना वाढवण्यासाठी प्रयत्न करणार असा विश्वास विशाल महेंद्र बाफना यांनी या वेळी व्यक्त केला.  यावेळी  राष्ट्रवादीचे तालुकाध्यक्ष दयानंद भगत, उदय जवके, माजी नगराध्यक्ष संतोष शृंगारपुरे,पेण शहर अध्यक्ष जितेंद्र ठाकूर, नगरसेविका वसुधा पाटील, नगरसेवक राजेंद्र वारकर, मंगेश पेडामकर,सागर हजारे, हबीब खोत, आनंद जाधव, भूषण कडू ,जैन नाईक, सुचिता चव्हाण, कृष्णा भोईर, प्रसन्ना पोटे आदींसह पदाधिकारी उपस्थित होते.

तालुक्यातील ग्रामपंचायतीचे सरपंच, उपसरपंच व सदस्यांची न्याय देण्याची मागणी शहापुर: शासनाच्या आदेशानव्ये तालुक्यातील ग्रामपंचायतींनी  बांधकाम परवानगी व ना-हरकत दाखले देऊ नयेत असे आदेश मुख्य कार्यकारी अधिकारी जिल्हा परिषद ठाणे यांनी आदेश दिले आहेत. त्यानुसार सदर आदेशामुळे  ग्रामपंचायतीच्या अधिकारांवर  कायद्याने देण्यात आलेल्या अधिकारांना एक प्रकारचे बंधन आणून मर्यादा घालण्याचा प्रकार असल्याचा आरोप करून  ग्रामपंचायतींनी  परवानगी व दाखले न देण्याबाबतचा निर्णय शासनाने रद्द करावा. अशी मागणी तालुक्यातील ग्रामपंचायतीचे सरपंच, उपसरपंच व सदस्यांनी  सोमवारी आमदार दौलत दरोडा  यांची भेट घेवून दिलेल्या  निवेदनातून केली आहे. शहापूर तालुक्यात काही वर्षांपूर्वी लागू करण्यात आलेल्या ३५ सेक्शन, इको सेन्सेटीव्ह झोन, प्रादेशिक विकास योजनेतील निर्बंधामुळे तालुक्यातील जनतेवर मोठा अन्याय झाल्याची ओरड होत असतानाच आता तालुक्यातील ग्रामपंचायतींनी  बांधकाम परवानगी व ना-हरकत दाखले देवु नयेत असे आदेश मुख्य कार्यकारी अधिकारी जिल्हा परिषद ठाणे यांनी  दिल्याने आदेश दिल...