समतानगर येथे अशोका विजयादशमी व ६४ वा धम्मचक्र प्रवर्तन दिन साजरा

 

पडघा : रक्ताचा एक थेंबही न सांडता ‘न भूतो ना भविष्यती’ अशी अद्भुत धम्मक्रांती डॉ. बाबासाहेब आंबेडकरांनी जगामध्ये घडवून आणली. या कार्याला उजाळा  देण्यासाठी  अशोका विजयादशमी व ६४ वा धम्मचक्र प्रवर्तन दिन  रविवार २५ ऑक्टोबर  २०२० रोजी सायंकाळी  ६ वाजता भिवंडी तालुक्यातील  समतानगर,पडघा  येथील बुद्ध विहारात  समाज विकास मंडळ , समतानगर व  युवकांच्या वतीने छोटेखानी कार्यक्रम  साजरा करण्यात आला.

यावेळी बुद्ध वंदना  घेण्यात आली.कोरोनाच्या संकटामुळे कमी संख्येत  हा कार्यक्रम घेण्यात आला. तथागत गौतम बुद्ध व डॉ. बाबासाहेब आंबेडकर यांच्या प्रतिमांसमोर मेणबत्ती  प्रज्वलीत करून  वंदन करण्यात आले. यावेळी  युवा कवी,पत्रकार मिलिंद जाधव, कमलेश जाधव, भूषण दोंदे, हेमंत दोंदे, गितेश जाधव, मोनेश जाधव, संदेश  जाधव उपस्थित होते.