वडवली रेल्वे फाटक वाहतुककोंडीने नागरीक त्रस्त;आमदार विश्वनाथ भोईर यांना निवेदन
मोहोने: वडवली रेल्वे फाटकाच्या दुर्तफा दररोज वाहतूक कोंडी होतअसल्याने नागरीक कमालीचे त्रस्त झाले आहेत. शहाड मोहोने या मार्गावरून वाहनाने प्रवास करणाऱ्या प्रवाशांचा वाहतुक कोंडीमुळे मोठ्या प्रमाणात खोळंबा होत असल्याने नागरिकांना प्रचंड मनस्ताप सहनकरावा लागत आहे. याबाबत ठोस उपाययोजना करीत वाहतुक कोंडीतून वाहनाने प्रवास करणाऱ्या प्रवाशांना दैनंदिन वाहतूककोंडीचा सामना करावा लागू नये म्हणून कल्याण ग्रामीणचे ग्राहक संरक्षक कक्षाचे तालुका प्रमुख कल्याण विजय देशेकर यांनी कल्याण वाहतूक विभाग, खडकपाडा पोलिस स्टेशन आणि कल्याण पश्चिमचे आमदार विश्वनाथ भोईर यांना निवेदन देत नागरिकांची वाहतूक कोंडीतून सुटका होण्यासाठी साकडे घातले आहे.
कोरोनापार्श्वभूमीवर रुग्णवाहिका अत्यावश्यक सेवेतील कर्मचारी, व्यापारी तसेच कामधंद्यानिमित्ताने चारचाकी, दुचाकी, रिक्क्षा, बसेस या वाहानांनी प्रवास करणाऱ्या प्रवाशांना मध्यरेल्वेच्या अंबिवली व शहाड रेल्वे स्थानकादरम्यान असलेले वडवली रेल्वे क्राँसिंगगेट नं ४७ या फाटकामुळे होणाऱ्या वाहतुक कोंडीमुळे रेल्वे फाटकांच्या दुर्तफा वाहनांच्या नेहमीच लांबच लांब रांगा लागत असल्याने होणाऱ्या वाहतूक कोंडीचा प्रचंड मनस्ताप सहन करावा लागतो. याबाबत वाहतूक नियंत्रण पोलिसांची नियुक्ती करण्यात यावी. वाहनचालकांनी शिस्तीचे पालन करावे, वडवली उड्डाण पुलाच्याकामाला गती देणे आदी विषयांचे निवदेन कल्याण ग्रामीण ग्राहक संरक्षक कक्ष तालुकाप्रमुख कल्याण विजय देशेकर यांनी कल्याण वाहतूक विभाग, खडकपाडा पोलिस स्टेशन आणि कल्याण पश्चिम आमदार विश्वनाथ भोईर यांना दिले असून वाहतूक कोंडीचा प्रश्न सोडविण्याचे आवश्यक प्रयत्न करावे या मागणीसाठी निवेदन देण्यात आले.
यावेळी उप-शहरप्रमुख विजय काटकर, शिवसेना ग्राहक संरक्षण कक्ष जिल्हाप्रमुख सुनिल वायले, शिवसेना ग्राहकसंरक्षण कक्ष कल्याण शहरप्रमुख विद्याधर भोईर, शिवसेना कार्यकर्ते रोहन कोट, शिवसेना ग्राहक संरक्षण कक्ष अंबिवली कक्षप्रमुख रमण तरे, कोकण प्रतिष्ठानचे अध्यक्ष प्रदीप घाणेकर आदी कार्यकर्ते मोठ्या संख्येने उपस्थित होते.
